استفسار هام جدا بخصوص سيارات المعاقين مدنى ولا حربى
 

السلام عليكم ورحمه الله وبركاتة
يا جماعة بصراحة دى اول مشاركة ليا فى المنتدى وكان ليا استفسار بسيط بخصوص سيارات المعاقين لانى لاحظت ان بعض الاعضاء عندهم خبرة كبيرة فى الموضوع دة
انا والدى كان ضابط بالقوات المسلحة وخرج معاش بكشف طبى لانه كان مصاب بدوالى فى القدم اليسرى فبعد الكشف خرج معاش طبى وبعد كدة بفترة حصلت مشكلة فى القدم الشمال وتم بتر القدم الشمال فوق الركبة وهو حاليا بيستخدم طرف صناعى وانا بفكر اجيبلة عربية من بورسعيد اللى بتبقى مجهزة فانا عايز اعرف انا كدة والدى يعتبر معاق مدنى ولا حربى وعايز اعرف اسعار السيارات بالنسبة للمعاق الحربى لانى عرفت ان الاعفاء الجمركى بالنسبة للحربى 45 الف جنية مش 20 زى المدنى
ياريت يا جماعة لو حد يقدر يساعدنى ويقولى اسعار النوبيرا 2002 او اسكودا 2002 2003 او بسات 2001 بالنسبة للمعاق الحربى
ياريت الرد فى اسرع وقت لان والدى محتاج العربية فى اسرع وقت
ولكم جزيل الشكر

رد: استفسار هام جدا بخصوص سيارات المعاقين مدنى ولا حربى
 

ارجو المساعده للاهمية . ابن عمى معاق جاب سيارة بجواب معاق من سنة 3008 وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له رجاءا ايه حلها لانها صدأت من الركنة ولكم جزيل الشكر
ولكم جزيل الشكر

رد: استفسار هام جدا بخصوص سيارات المعاقين مدنى ولا حربى
 

المعاق الحربى بيأخد العربية أرخص ب 5 الأف لو التاجر امين لان فى بعض التجار بيستهبولوا ويغلوا العربية عليك وتأخدها بسعر مساوى المعاق المدنى.كمان ممن تشترى عربية لحد 1800 سى سى وهذه ميزة جيدة.

هو حضرتك القانون بيقول أن الإعاقة للمعاق الحربى تكون أثناء الخدمة لهذا يعتبر والدك معاق مدنى ولكن فكرة أن طلع من الخدمة بسبب الدوالى فقد يكون هذا مخرج لتحويلة لمعاق حربى وخاصة ان البتر نتج اعتقد نتيجة الدوالى.فهى حالة ملتبسة يحسمها الكومسيون..

وفى كل الأحوال يستحق والدك سيارة معاقين...

بالنسبة للنوبيرا فأعمل حسابك على مبلغ من 28 إلى 30 الف

الأوكتافيا 98 بداية من 40 الف والأكتافيا 2000 من 44 الف

الباسات غالية جدا يعنى موديل 99 او 2000 تبدأ من 60 الف وأنت طالع

رد: استفسار هام جدا بخصوص سيارات المعاقين مدنى ولا حربى
 

انا متشكر جدا لاهتمامك وردك وانشاء الله لو روحت هابقى اوفيكم باخر تحديث للاسعار
شكرا مرة تانية

رد: استفسار هام جدا بخصوص سيارات المعاقين مدنى ولا حربى
 

بالتوفيق ونرجوا مشاركة الأعضاء فى تجربتك لان الإجراءات والأسعار بتتغير مع الزمن..