أخر كلام.... جين 2 (2011) ولا لأ؟!!!!!
 

السلام عليكم شباب....
ده أول موضوع ليا فى المنتدى و أنا مبسوط انه معاكو هنا فى منتدى بروتون
يا جماعة انا عاوز اجيب البروتون جين 2 من فترة وركبت عربيات تانية كتيير وبرده كانت فى دماغى ولما خلاص قررت ونويت عليها لقيت مشكلة قطع الغيار ...
من فضلكم حد من مالكى الجين2 يرد عليا
هل قطع الغيار العادية اللى زى فلتر البنزين وفلتر الزيت و تيل الفرامل فعلا مش متوفرة خالص كده؟!
وأذا كانت متوفرة هل أسعارها مبالغ فيها اوى ؟!
طيب بالنسبة للصيانات 1000 لو 10000 او ال 20000 بتتكلف حوالى أد أيه ؟!
يا جماعة بعد أذنكم ردودكم هتفرق فى قرار شراء العربية فأرجو الرد وبأمانة
شكر ليكوا وأسف للأطالة

رد: أخر كلام.... جين 2 (2011) ولا لأ؟!!!!!
 

رد: أخر كلام.... جين 2 (2011) ولا لأ؟!!!!!
 

أنا مش عارف أقول لحضرتك أيه ... بس شكرا جزيلا فعلا على ردك أنا رأييى من رأييك برده والواحد هيحس ببركة الفلوس فيها عن عربيات تانية كتير فى نفس الفئة وأغلى بكتيييير
ويا رب يوفقنا جميعا للخير...
شكرا جزيلا على الرد مرة تانية

رد: أخر كلام.... جين 2 (2011) ولا لأ؟!!!!!
 

متابع ومهتم جدا لردود ماليكها :fun_36_1_39[1]:

رد: أخر كلام.... جين 2 (2011) ولا لأ؟!!!!!
 

اسعار الفلاتر رخيصة ، فلتر الزيت الاصلى فى التوكيل ب 45 جنيه و فلتر زيت اللانسر بيركب على الجين 2 و كمان طلمبة بنزين النوبيرا

تيل الفرامل البوش الالمانى فى التوكيل ب 800 جم بس تيل الفيات البترا بيركب على الجين 2 و ممتاز جدا و ب حوالى 180 جنيه .( فى بدائل للتيل مصرى و ماليزى فى التوكيل من اول 120 جنيه بس تعبانة)

قطع الغيار مش متوفرة فى التوكيل ، يعنى لو حد فى الضمان هيتعب جدا

قطع الغيار متوفرة جدا خارج التوكيل و باسعار رخيصة و فى تجار بتستورد عربيات متقطعة

العربية ادائها عالى جدا بالمقارنة بسعرها و ادائها اعلى من الكورى بكل موديلاته بمراحل و ثباتها اعلى من السيراتو و الالنترا الجديدة

قوة التسارع و الثبات تقارن باليابانى ( السيفيك و المازدا 3)
و الالمانى فقط و حرام تقارن بالكورى

العربية دى لو كان ماسكها توكيل محترم كانت اكتسحت