مصر موتورز مجتمع السيارات - محبى و مالكى الريجاتا

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - محبى و مالكى الريجاتا (https://www.masrmotors.com/vb/showthread.php?t=34162)

رد: محبى و مالكى الريجاتا

اقتباس:

المشاركة الأصلية كتبت بواسطة elhamshare (المشاركة 457472)

السلام عليكم ورحمة الله وبركاته
م/ حسين

اشكر حضرتك على الاهتمام و الرد على موضوعى وجزاك الله خيراً وبارك الله فيك ...
معلش انا تعبتك معايا باسألتى الكتيرة بس اعزورنى دى اول عربية ليه واخوك محتاس فيها وحاسس ان امكانيات العربية كبيره وجيدة بس محتاجة اصرف عليها شوية وعشان انا لا اثق فى الصنيعية وده من اراء اخوانى فى المنتدى... حبيت استفيد من اهل الخبرة الموثوق فيهم مش من الصنايعى الفهلوى.

عندى مشكلة تانية وحاسس انها مأثره على اداء العربية وحضرتك اثبتلى المعلومة.
انا قعد فترة اسوق 128 بتاعت ولدى وانا بتعامل فى السوقه مع الريجاتا بنفس اسلوب 128 او كما علمنى ولدى انى ممشيش على الاول كتير لان ده بيأثر على العربية وان الاول ده لطلعت العربية فقط وبعد كده اجيب التانى على طول وامشي عليه براحتى ... فهل النظرية دى تطبق على الريجاتا ولا يمكن ان امشى لفترة على الاول.
وبخبرة حضرتك كنت عايز نصائح فى التعامل مع السيارة ..
واذاى اروح للصنايعية اللى حضرتك قلت عليهم انا شغلى فى المهندسين وممكن اعدى عليهم بعد الشغل.
وأسف للاطالة على حضرتك واخوانى فى المنتدى

الاول ده تمشى عليه حاجة بسيطة يعنى يدوبك فى الطالعه سواء من الثبات او على المطبات وتغير على طول على التانى

اما بالنسبة للنصايح

اول حاجة مهمة اوى فى الريجاتا فى الملفات تفصل الحركة يعنى تدوس دبرياج علشان خاطر الكبالن تعيش معاك
روح اعمل ترصيص وظبط زوايا للعربية ده لو الكاوتش كويس بالنسبة للترصيص
وطبعا انا تحت امرك فىاى شئ
انا كمان عندى ريجاتا 85 ومن كام يوم بدات اشدها شده كاملة

رد: محبى و مالكى الريجاتا

اقتباس:

المشاركة الأصلية كتبت بواسطة ahmed_harb777 (المشاركة 455867)

السلام عليكم ورحمه الله وبركاته

انا ياجماعه لسه ما اشترتش عربيه بس بقالي فتره بدور واتفرجت علي عربيات كتير بس انا فعلا عجبتني الريجاتا لان شكلها شبابي وواسعه وسمعت انها موفره في البنزين واكيد انتوا تعرفوا مميزاتها اكتر مني

حابب انضم معاكوا لغايه لما ان شاء الله ربنا يوفقني واشتري عربيه ريجاتا كويسه

وعليكم السلام ورحمة الله
واهلا بحضرتك
الريجاتا عربية رائعة واهلا بأنضمام حضرتك

رد: محبى و مالكى الريجاتا

اقتباس:

المشاركة الأصلية كتبت بواسطة elhamshare (المشاركة 457472)

السلام عليكم ورحمة الله وبركاته
م/ حسين

اهلا بحضرتك ف اي وقت .. واعتذر عن تأخر ردي عليك
رغم دخولي للمنتدي بأستمرار لكن ماخدش بالى من ردك على الموضوع
بالنسبة للاسلوب السواقة ف اي عربية المفروض انة واحد
لكن بيختلف اختلاف طفيف وبتتعود على العربية
الغيار الاول لا يستحب انك تمشى علية كتير ف كل انواع العربيات
الجديد والقديم كمان ... اي الامر لا ينحصر على 128 والريجاتا
والسبب العلمي ف دة ان قوة الموتور بتستهلك بشكل كبير على الغيار الاول
والموتور بيكون محكوم على ترس الاول وبيؤدي ذلك لسخونة الموتور
هتلاحظ امبير الحرارة بيرفع والعربية بدءت تسخن منك ولو استمرت على الغيار الاول
المروحة مش هتعرف تبرد الموتور من قوة السخونة اللى هتحصل
وبالتالى لما تنقل ع الغيار التانى بتريح الموتور وبتعطي لة فرصة يـنفس
ويبدء يتسارع معاك على الطريقة المصمم بها الموتور لذلك

بالنسبة للنصائح فهناك الكثير والكثير ف المنتدى واكيد اول ما اخلص شغلي هقولك على نصائح تباعاَ
بالنسبة للصنيعية فلو لسة مبدءتش قولي وهبعت لك ع الخاص
ولو تحب اقابلك بشكل شخصي واوجهك تحت امرك طبعا وكل اعضاء المنتدى

رد: محبى و مالكى الريجاتا

السلام عليكم محبى ومالكى الريجاتا
دى بعض الإعلانات الى كانت للسيارة الريجاتا فى فترة من عام 1980وحتى 1987
بصراحة العربية شكلها فى العلان تحفة
http://www.youtube.com/watch?v=01W2BoejB-c

وده إعلان تانى

http://www.youtube.com/watch?v=sn38Y...eature=related

وده إعلان إنجليزى وسعر السيارة فى ذلك الوقت من 4.990 إلى 6.490 جنية إسترلينى
http://www.youtube.com/watch?v=B9kr648RSq0
وده إعلان سنة 87 ولا المرسيدس
http://www.youtube.com/watch?v=rOdbw...eature=related
سعدت بوجودى معكم فى المنتدى

رد: محبى و مالكى الريجاتا

اقتباس:

المشاركة الأصلية كتبت بواسطة zenger (المشاركة 241129)

السلام عليكم
انا لاقيت هنا فى المنتدى رابطات كتير بس ملقتش الصراحة رابطة للريجاتا او كلام عنها ليه؟؟؟؟؟؟؟؟؟؟؟؟؟؟؟
استحالة ميكونش فى ملاك ريجاتا او ناس مقابلتهاش اعطال ياريت من الاخوة الكرام اللى معاهم ريجاتا يدخلوا و نتناقش فى المشاكل و نتبادل الخبرات و شكرا ليكم جميعاROSE4UROSE4UROSE4URO SE4U

السلام عليكم
عندى مشكلة بسيطة زيت الباكم بينز من عند دخول المستر فى السرفو هل ده عيب جلد مستر ولا سرفو