|
اشتريت إلنترا وعندي أسئلة كتير يا ريت تفيدوني
ربنا كرمني الحمد لله واشتريت إلنترا 2010 ماشية 74 ألف كيلو, ودي أول عربيّة امتلكها في حياتي, قبل كدا كنت متعود أركب عربية بابا وأدوّر وأمشي وخلاص, دلوقتي الحكاية اتغيرت وبقيت أنا مسؤول عن عربيتي, يا ريت تفيدوني بأيه الحاجات ألّي المفروض أخلي بالي منها وأيه الحاجات ألّي بتتغيّر بشكل دوري وبتتغيّر كل قد أيه وأنا عاوز أحط زيت الـ 10 آلاف فـ ياريت تفيدوني هو أيه أحسن زيت موجود في السوق ويُنصح بيه للإلنترا, وياريت برضه حد يقول ليّا ألاقي العلبة ألّي بيتحط فيها زيت الباور فين لأنّي مش لاقيها ! , ولو عاوز أزوّد مية لدورة التبريد بزودها والعربية شغالة ولا قبل ما أشغّلها ؟!
|
رد: اشتريت إلنترا وعندي أسئلة كتير يا ريت تفيدوني
الف مبروك ربنا يهبك خيرها ويكفيك شرها
نبداء بالمهم .. اوعى تزود مية والعربيه مبطلة الحالة الوحيدة اللى ممكن تعمل فيها كدة بس هى الصبح قبل ما العربيه تدور خالص علشان العربيه تبقى باردة تماما لكن لو العربيه سخنة ومبطلة وانت حطيت ميه باردة على الحديد السخن هيضرب تانى المية باردة بطبيعتها والمكنة وهى دائرة سخنة مينفعش تحط حاجة باردة على سخن اما عن الزيوت والسوائل التانية فافضل حاجة تعملها نظام دورى مثلا كل شهرين كل تلاته على حسب استهلاكك وتروح تغير كله انا شخصيا بفضل استخدام الزيوت 5000 كم المعدنية او نصف معدنية زى شيل الاصفر وكل 5000 كم اغير زيت وفلتر وتنظف فلتر الهواء وتبص وتغير مايلزم فى باقى البنود ومعاها تبص على الكاوتش وانت بتحل الكاوتش تبص على التيل غير كدة ان شاء الله مش هتحتاج اى حاجة تانية العربيه ديه ملهاش مصروف تقريبا وحمارة شغل ان شاء الله مش هتتعبك فى صيانتها ومبروك مرة تانية وبعتذر عن التاخير فى الرد |
رد: اشتريت إلنترا وعندي أسئلة كتير يا ريت تفيدوني
تسلم يا ريّس
|
رد: اشتريت إلنترا وعندي أسئلة كتير يا ريت تفيدوني
الالنترا باور كهربا ملهاش زيت باور
وحط زيت شيل الاصفر افضل زيت وموصي به من التوكيل كمان |
| الساعة الآن 07:04 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017