نصيحتكم يا شباب..اشترى ولا أأجر؟
 

السلام عليكم يا شباب..أنا عجبني المنتدى ده وبتصفحه بقالى كام يوم من ساعة ما شفته..وبصراحة أنا معجب جدا بالحوارات الراقية المهذبة والموضوعات والنصائح المفيدة..عايز استشيركم في موضوع..أنا عايش برة وأجازتي شهر سنوياً وطبعا لما أنزل الشهر ده باتبهدل في المواصلات أنا وأسرتي الصغيرة..خصوصاً أن المسافات اللي بحتاج أسافرها طويلة بين الأهل والأقارب..يعني بقضي معظم الأجازة سفر..وطبعا حجز القطارات المكيفة في الصيف مش محتاج أقولكم على فظاعته..المهم أنا محتار بين اختيارين: الأول والمنطقي إني استأجر سيارة خلال شهر الأجازة..بس اللي غايظني في نظام التأجير في مصر - حسب ما سمعت - أنك بخلاف دول الدنيا كلها لازم توقع ايصالات أمانة بثمن السيارة بالكامل. الثاني ودي فكرة طرأت مؤخرا اني اشتري سيارة مستعملة استخدمها واتركها للوالد وأنا مش موجود..وبالمرة تبقى نوع من البر لوالدي..رغم انه عمال يرفض الفكرة دي وبيقول مش محتاجها.. ايه رأيكم..أنا ممكن أوفر في حدود 50 ألف الأجازة دي للموضوع ده..وعاجباني جدا السيارات الألماني..يعني بفكر اشتري مرسيدس قديمة علشان معمرة.. أو أوبل..بس سمعت أنهم حيرفعوا الدعم عن البنزين لسيارات أكثر من 1600 سي سي وبالتالي حيكون سعر اللتر حوالي 5 جنيه.. أرجو النصيحة وآسف للإطالة...

رد: نصيحتكم يا شباب..اشترى ولا أأجر؟
 

حمد الله على السلامة أولاً.. ثانياً حضرتك قلت الحل المنطقي فعلاً و هو إيجار سيارة في أثناء وجودك في مصر لأن ده هيوفر عليك قرف و مشاكل إنت في غنى عنها و كمان مش هاتبقى فاضيلها.. على سبيل المثل الترخيص و نقل الملكية و الصيانات الدورية و المخالفات و و و ... لكن لما تأجر عربية لمدة شهر في السنة مثلاً هايكون التكلفة و المجهود كله محصور في إنك تحط بنزين و تسوق و شكراً على كده.. عموماً خليك منتظر أراء الأعضاء الأخرين علشان تقدر تاخد قرار سريع و بالتوفيق :Bravo:

رد: نصيحتكم يا شباب..اشترى ولا أأجر؟
 

شكرا لمرورك وردك أستاذ سامح..:fun_36_1_39[1]:
وحضرتك عندك فكرة ايجار شهر يكون بكام لو عربية كويسة موديل حديث؟ يعني مثلا كورولا أو الانترا المهم تكون فول اوبشن (اوتوماتيك لان انا متعود عليها)..وعدد الكيلومترات المسموح بيها ونظام الزيادة..والاهم طبعا الضمانات المطلوبة.
بالمناسبة انا لسه ما نزلتش والنزول بمشيئة الله حيكون في الصيف..يعني شهر 7 او 8
لحضرتك جزيل الشكر مقدماً..

رد: نصيحتكم يا شباب..اشترى ولا أأجر؟
 

السلام عليكم ورحمه الله وبركاته
اولا العربيات الايجار ليها مميزات وليها عيوب
من مميزاتها ان م شهتكون مطالب غير بتمن البنزين فقط لاغير طوال فترة الايجار اللهم بقي زيت او حاجات بسيطة ظهرت لك
نيجي للعيوب :
اولا : ممكن لاقدر الله العربية تتخبط - ( ممكن خطأ الغير ) وساعتها هتلاقي نفسك مضطر انك تصلح كل اللي باظ وممكن تلقيه عمل مبلغ كبير وخاصة لو كانت العربية موديل حديث
ايه العمل
الحاجة الاخيرة في اصحاب معارض تأجير لما ترجع لهم العربية لازم يطلع لك فيها حاجات ومحتاجات بحيث انك تدفع اي فلوس والسلام

طيب نيجي للحل التاني وهو انك تشتري عربية في حدود 50 الف
ده انسب حل ليه :
اولا هتبقي عربيتك في اي وقت هتنزل اجازة هتلاقيها
وزي ما انت ذكرت ممكن الاسرة في غيابك يستفادوا بيها
حكاية التصليح وتضييع الوقت مش مشكلة لانك ممكن تاخد عربية متأجرة بعد اسبوع يحصل فيها مشكلة وتروح بيها بردوا عند الميكانيكية
ومش عشان بجيب حاجة مستعملة هتبقي وحشة لأ فيه حاجات مستعملة نضيفة
وبعدين المبلغ ده يجيب لك (( لانسر كرستالة ياباني - ابيزا الماني موديل 2001 وهيفيض كمان )) ده بالنسبة لقطع غيار موجودة وموفرة وسرعة للانسر في اعادة البيع يعني لو حبيت تبيع هتبيع ان شاء الله في اي وقت
فيه موديلات تانية كتير بس انا حبيت اذكر لك موديليين قطع غيارهم بيتعيش الالماني والياباني
توكل علي الله وصلي صلاة استخارة واشتري بدل ما تأجر وتدخل نفسك في مشاكل لاقدر اللهولا وصل امانة ولا يحزنون مالك احسن ما يكون مال غيرك
تقبل مروري ورأيي المتواضع

رد: نصيحتكم يا شباب..اشترى ولا أأجر؟
 

شكرا جزيلا لاهتمامك وردك يا أستاذ tefa_memo..
رأي حضرتك فعلا كويس جدا وده اللي انا اميل له تقريبا..السؤال بس هي الموديلات اللي حضرتك ذكرتها منها اوتوماتيك؟ وفيها كماليات؟ يعني التكييف مثلا حضرتك عارف جو مصر في الصيف..كمان يهمني انها يكون فيها باور..بالمناسبة أنا ميهمنيش لو كانت قطع غيارها غالية شوية لكن الأهم انها تكون معمرة وتكون مش بتعطل كتير..يعني لو انا ركبت قطعة غالية ونسيتها افضل بكتير من اني اتعطل كل شوية وافضل ادور على ميكانيكي وخلافه..خصوصا ان الاجازة محدودة وحيكون معظم المشاوير سفر عل خطوط صحراوية.. تقبل تحياتي..:wave2W21: