مصر موتورز مجتمع السيارات - تصليح (فتيس / كبالن / بلية العجل / مساعدين) بنفسك

http://www.beaish.com/vb/uploaded/122_11308010530.gif

المنتدي الجميل مصر موتورز
الأخوة الأعضاء الكرام

أولا أتوجه بالشكر و التحية للعضو Admire Cars و العضو Ahmed_eng2001
لأني إستفدت من موضوعاتهم و جعلوني أتشجع إني أعمل الموضوع بنفسي
من ثلاث أسابيع نزلت التوفيقية إشتريت شوية حاجات للعربية
زي
قاعدة فتيس كاوتش - قاعدة موتور - 2 بلية عجل - زيت إبرو - فلتر زيت - كاوتش كوبلن
و كسلت بصراحة أغير الحاجات دي و أصلح العربية .... نظرا لظروف شغلي

المهم
كان عندي مشكلة في الفتيس بقالي 3 شهور و كنت هتجنن و عايز أعرف سببها إيه

اكون ماشي تمام و فجأة العصاية بتاعت الفتيس تبقي محجرة و ما بتتحركش خالص
أقوم مبطل العربية و هي ماشية و أحرك العصاية تقوم ترجع لطبيعتها ثم أعيد التدوير و أمشي عادي
المشكلة دي كانت بتحصل مرة واحدة في اليوم
إمبارح للأسف لقيت الفتيس محجر علي الغيار التاني و مش عايز يتحرك خالص حتي لو بطلت العربية
و مش عارف حتي أخلي العربية علي وضع (المور) و لا عارف أجيب مرشدير (مصيبة)
إضطريت إن أركن في مكان آمن و كملت مشاويري مواصلات ..... و انا راجع البيت مشيت للأسف علي الغيار الثاني بس (مفيش غيره) مسافة 45 كيلو ... خدتها في ساعتين و نص (الحمد لله إنها ماشية ورجتني البيت)

قررت إني أفك بقي كل حاجة محتاجة تصليح و قولت فرصة أشوف (البطة البيضا) عايزه ايه
إستعنت بالله و توكلت عليه و بدأت كما في الصور تماما

جهزت العدة بتاعتي و رتبتها

http://farm9.staticflickr.com/8099/8...b0e3094f_c.jpg

و بدأت فكيت العجل

http://farm9.staticflickr.com/8371/8...4236eb12_c.jpg

و فكيت ماستر الفرامل

http://farm9.staticflickr.com/8110/8...59a29175_c.jpg

ثم الطنبورة

http://farm9.staticflickr.com/8249/8...477463dd_c.jpg

ثم السرة و البتاعة دي (معرفش إسمها إيه ههههههههه)

http://farm9.staticflickr.com/8236/8...6a04cbed_c.jpg

ثم فكيت الكبالن بالأكس بتاعها و فكيت المساعدين

http://farm9.staticflickr.com/8108/8...545a8010_c.jpg

نزلت الزيت القديم( 3 لتر بس )
هل كدة مضبوط و لا ناقص

http://farm9.staticflickr.com/8514/8...0349ea35_c.jpg

فكيت الجنب التاني بنفس الطريقة
الترتيب و النظام هاااااااااام جدا ..... و النظافة من الإيمان

http://farm9.staticflickr.com/8247/8...c4e50cef_c.jpg

فكيت القنطرة و قاعدة الفتيس و فكيت الميزان و نزلته شوية عشان أعرف أطلع القنطرة من فوق الميزان ... و طبعا سندت الموتور كويس من تحت عشان مايبقاش متعلق بقاعدة واحدة بس

http://farm9.staticflickr.com/8366/8...082e4e1a_c.jpg

القنطرة بعد خروجها

http://farm9.staticflickr.com/8391/8...f25f784f_c.jpg

لازم طبعا الكوريك يكون تحت الفتيس قبل ما تفكه عشان مايقعش منك

http://farm9.staticflickr.com/8103/8...f363b840_c.jpg

بدأت أفك مسامير الفتيس واحدة واحدة .... و طبعا فكيت قاعدة الفتيس اللي فوق عشان كانت مقطوعة .... و فكيت مروحة الردياتير عشان في 3 مسامير رخمين (بتوع المارش) عشان أعرف أفكهم .... و فكيت الواير بتاع السرعة و سلك الدبرياج

http://farm9.staticflickr.com/8517/8...90088d00_c.jpg

جبت كوريك تاني عشان لقيت ان واحد لا يكفي و بدأت في تنزيل الفتيس واحدة واحدة

http://farm9.staticflickr.com/8086/8...ea2e8014_c.jpg

و لازم الفتيس يخرج بجنب واحدة واحدة

http://farm9.staticflickr.com/8088/8...8e093bdb_c.jpg

مبروك المولود خرج من بطن أمه و طلع ولد ههههههههههههههه

http://farm9.staticflickr.com/8531/8...73b58f03_c.jpg

قولت برده أفك الديسك و الأسطوانة و أشوف حالتهم.. ايه رأيكم فيهم

http://farm9.staticflickr.com/8514/8...50f2bf86_c.jpg

و آدي شكل الديسك و الأسطوانة و البلية بعد التنظيف بشوية بنزين كدة عالماشي

http://farm9.staticflickr.com/8085/8...36f8cc7f_c.jpg

الموضوع إستغرق معايا 8 ساعات ( فك فقط ) و ربنا يستر عالتركيب

يا رجالة بعد إذنكوا شوفوا الفيديو دة و عايز رأيكو بصراحة

http://www.youtube.com/watch?v=-MZGK...ature=youtu.be

:070104~242: :070104~242: :070104~242:
في معلومة نسيت أقولها برده

بعد إخراج الفتيس من العربية جربت أحرك العصاية المسئولة عن نقل الغيارات ... برده قافشة ومابتتحركش

منتظر آرائكم في الأسئلة الهامة دي
1 - هل أستكمل فك (صندوف التروس) و لا أوديه لبتاع فتيسات
إللي يقدر يبعتلي فيديو مشروح فيه طريقة فك صندوق التروس و تفاصيله من جوة ... يبقي كتر ألف خيره
2 - رأيكم ايه في الديسك والأسطوانة والبلية و عايز أفكاركم معايا يا جدعان ... ربنا مايحطكوا في بايخة زي دي :shyy:
البلية أعتقد شغالة تمام لأنها بتلف حلو بدون أي صوت أو خشوتة
الإسطوانة أنا شايفها كويسة --- إيه رأيكو برده
الديسك --- نغيره و خلاص و لا ايه النظام
3- أجيب أد إيه زيت للفتيس و نوعه ايه و رقم كام ---- مه الهلم ان مفيش في السوق (فالفولين 140) مفيش عند أي موزع --- يا تري ايه النوع البديل والأسعار كام

أنا بقالي 28 ساعة صاحي --- و نفسيتي تعبانة من العربية و قلقان مش عارف ليه
:k_crying77[1]: :k_crying77[1]: :k_crying77[1]:
هستأذنكم أخش أنام و اول ماأصحي هقرأ المشاركات

http://sphotos-a.xx.fbcdn.net/hphoto...24621828_n.jpg

http://external.ak.fbcdn.net/safe_im...04078328_n.jpg

الجزء الثاني
عملت دورة غسيل للفتيس من الداخل بالبنزين كويس كذا مرة
و نزل كمية وساخة مايعلم بيها إلا ربنا
(تراب و طين و شحم + رايش حديد + رولمان بلي بتاع صليبة الكوبلن + خيوط محشورة + سيليكون من آثار لحام الجوانات من زمان )

و المفاجأة ان لقيت عصاية الفتيس إشتغلت ... و التحجيرة راحت
شوفوا الفيديو دة بس محدش يضحك عليا هههههههه

http://www.youtube.com/watch?feature...&v=YojMy_Khcqg

يا تري بعد كل دة

أودية لبتاع فتيسات و أخليه يفكه و يشوفه طالما هو بره العربية
ولا أركبه و أحط زيت جديد و أغير الديسك و الأسطونة و بليه
جديد في جديد .... و أمشي علي كدة و خلاص

أخذت رأي الأعضاء أولا .... و هم مشكوووووووووورين جميعا علي وقوفهم جنبي و مساعدتهم ليا ومتابعتهم للموضوع أول بأول

ahmed_eng2001
cars admire
حمدى مخترع مانيوال بدون دبرياج

و كان رأي البعض إني أركب و خلاص
و رأي البعض الأخر ... وديه لبتاع فتيس عشان تبقي مطمئن

حاولت إني أفك الفتيس كدة و أشوف شكله ههههههه فكيت كام مسمار و لقيت في مسامير صعب فكها
محتاجة صنايعي و محتاجة (مفك كومبروسر)
المهم وديته لبتاع الفتيسات و فك و قاللي محتاج (غويشتين و أويلسيل و ترس الغيار الثاني)
و قاللي حاجة عالترس بتاع الغيار الثاني
إما تشتريه إستيراد ب 150 جنيه
أو يتظبط عند خراط ب 30 جنيه (مش فاهم يعني إيه)
قولتله أيهما أفضل ... قاللي الأتنين واحد

المهم عملته ب 30 جنيه
و الصنايعي مصنعيته 80 جنيه
و الغويشتين إشتريتهم ب 50 جنيه
و الأويلسل دوخت عليه في التوفيقية كلها و شارع شامبليون كله (ملقيتهوش جديد)
إضطريت أشتريه إستيراد ب 80 جنيه (بعد ما كان البائع بيستهبل و بيقول 150)

يعني من الأخر تكلفة تصليح الفتيس (240 جنية)

و آدي صورة للغويشتين و الأويلسيل (الرخم)

http://farm9.staticflickr.com/8382/8...7bf40177_b.jpg

و طبعا أثناء الجولة في التوفيقية إشتريت كل إللي كانت محتاجاه العربية

http://farm9.staticflickr.com/8518/8...fb83029b_b.jpg

كاوتش كوبلن داخلي + الكوتشة الرخمة اللي بتركب في عصاية الفتيس + نص كيلو شحم بترومين + فلتر زيت + علبتين إبرو + صليبة كوبلن + بليتين للعجل + بلية دبرياج جديدة + ديسك إستيراد + مليت الأسطوانة تيل جديد + علبة إسبراي فضي + أوكرة باب عشان القديمة مكسورة

الديسك جديد كان عامل 130 جنيه و جبته إستيراد ب 50 جنيه
الأسطوانة جديدة ب 85 جنيه و مليتها ب 40 جنيه تيل ألماني

ركبت الديسك و الأسطوانة و بدون ما أستخدم (عمود دريك عشان السنتر) السنتر ممكن يبقي أسهل من كدة
انا مسكت الأسطوانة من الثلاث أطراف بتوع الديسك (المفتوحين) و ظبتها تمام

http://farm9.staticflickr.com/8236/8...d583c772_b.jpg

ركبت الفتيس أنا و معايا إخواتي الأثنين (الموضوع سهل جدا) بدون أي مشاكل

برغم اني اشتريت اسبراي فضي ... لكن كسلت ارش الفتيس لأنه كان محتاج وقت عشان يتصنفر بالفرشة السلك و بصراحة كان عندي (ظروف صعبة شوية) عشان كدة كسلت و قولت أنجز

و ركبت قاعدة الفتيس في القنطرة الأول ... ثم ركبت القنطرة تحت الفتيس

http://farm9.staticflickr.com/8089/8...b52e8bb0_b.jpg

ركبت الكاوتشة دي و ربطت معلقة الفتيس
لكن الرخامة اني معرفتش أركب الكاوتشة في الأويلسيل (في الأخر سبتها بعد محاولات كتير)

http://farm9.staticflickr.com/8250/8...ecf1893a_b.jpg

نظفت الكوبلن إللي كان كاوتشته مقطوعة ... و غسلت الكوبلن بالبنزين عشان أشيل الشحم و حطيت شحم جديد و قفلت الكاوتشة الجديدة و حطيت الكاوتش الداخلي و صلايب الكوبلن و التيلة الصغيرة

http://farm9.staticflickr.com/8381/8...bf85b2d5_b.jpg

http://farm9.staticflickr.com/8525/8...d81520f7_b.jpg

بعد كدة بلي السرة
شيلت البلي القديم و جبت صنفرة و صنفرت مكانها و نظفت كويس و روحت للخراط عشان يكبسها
البلي لازم يتكبس عند الخراط (عشان يبقي عمره أطول)

http://farm9.staticflickr.com/8241/8...d2b4c3c2_b.jpg

http://farm9.staticflickr.com/8240/8...3b9455eb_b.jpg

و تم التقفيل لكل حاجة علي نظافة
و أخيرا حطيت زيت الفتيس (140 موبيل)
و غيرت زيت الموتور و حطيت الدلفاك الجديد و علبة الأبرو

http://farm9.staticflickr.com/8249/8...bf1cf385_b.jpg

تم بحمد الله
و سأوفيكم بالنتائج مع الوقت إن شاء الله
:286: :286: :286: :286: :286:

بشكر كل من تابع الموضوع من اوله لأخره
و كل من ساعدني بآراء و افكار و تشجيع
Hisham.Elgazzar
nktis
محمد فيصل
amr elsisi 1

و بشكر
AbOnOrA
علي تثبيت الموضوع
:fun_36_3_16[1]: :fun_36_3_16[1]:
:fun_7_5_128[1]: :fun_7_5_128[1]: