هل توجد علاقة بين شخصيتك وسيارتك؟
 

إذا توافر لعدة أشخاص نفس المبلغ من المال فكيف يختارون سياراتهم؟

ليس الكل يختار تبعا لاحتياجاته من السيارة ، وهى ليست مجرد مسألة اذواق ، الأغلب يختار تبعا لانجذابه لسيارة أو ماركة بعينها ، فهل لهذا علاقة بشخصيته؟

لماذا يفضل البعض الألمانى المستعمل على الكورى الجديد؟
ولماذا يفضل آخرون الصينى الجديد على اليابانى المستعمل؟

لماذا تشترى سيارة أوبل من الخمسينات ويدق قلبك عندما تراها فى حين يراها غيرك حنطور متحرك؟

ماهى العلاقة بين شخصيتك والسيارة التى تعجبك وتهيم بها؟

هل أصحاب الفيات والانسر مثلا شخصيات تقليدية لا تحب التجديد؟
هل أصحاب السيارات الصينية مغامرون بالفطرة وجريئون فى اتخاذ قراراتهم؟
هل أصحاب السيارات الأمانية يحبون التعبير عن القوة دائما؟
هل أصحاب السيارات الفرنسية يغريهم جمال السيارة حتى لو على حساب عوامل أخرى؟

ما رأيكم؟

رد: هل توجد علاقة بين شخصيتك وسيارتك؟
 

انا عندى بيجو 104...!!!!
عاوز اقولك العربيه دى مافيش حد ركبها الا ولازم يحترمها و ميفرطش فيها بسهولة...!!!!
على الرغم من نظرة الناس(اللى ماركبوهاش) ليها انهم ممكن يحتقروها لصعر حجمها و عدم
انتشارها زى العربيات التانيه .الا انها فعلا احسن عربيه نزلت فى الفئه اللى فى السنه بتاعتها
تواكب زحمه مصر و مطبات مصر و تراب مصر و حراره مصر و سواقين مصر و.......مرور مصر.
العربية اللى معايا عشرة عمر ...والدى اشتراها من حوالى 19 سنه .
مش عاوز اقولك انها واحدة من العيلة .
و بعد ماتوفى الله يرحمه و يرحم موتى المسلمين.....جددت العربية بالكامل و عدلتها .
و ماشاء الله عليها .بسافر بيها بأستمرار و مشاوير جوا البلد و عاملها حمااار السخرة تحت رجلى .
وعلى الرغم من كدة عمرها ماعملت النقصة معايا و الحمد لله.
و ان شاء الله ناوى احتفظ بيها (بس الشيطان يبعد عنى)ههههههههه.
حصل بينى و بينها انسجام غير عادى.
هى دلوقتى بتسمع كلامى و اللى انا عايزه منها بتعمله فى حدود امكانياتها .
يعنى جرى بتجرى .غرز شغال .تحمل معندهاش مشكله .اقولها نسافر تقولى بمووت فى الطرق الطويله.
بحاول اتلككلها عشان ابيعها و هى مش مديانى فرصه. بتقولى شبيك لبيك ياسى السيد.
من الاخر فعلا( البيجو بيجو ولو عضم فى افه).
و ان شاء الله هنزل صورها بعد التعديلات فى المنتدى.
و ربنا يحفظها...

رد: هل توجد علاقة بين شخصيتك وسيارتك؟
 

حضرتك راجل طيب وعشرى
فعلا فيه قصص حب كتير بين ناس وسياراتهم لدرجة تخليهم يمتنعوا عن التجديد حتى لو معاهم فلوس
أعتقد كمان أن ارتباطها بالوالد - رحمه الله- يزيد من ارتباطك بها أكثر وأكثر
ربنا يبارك لك فيها

رد: هل توجد علاقة بين شخصيتك وسيارتك؟
 

رد: هل توجد علاقة بين شخصيتك وسيارتك؟
 

لا ليس كل من يقتنى السيارات الألمانى يحب التعبير عن القوه.
انا كان عندى جولف وان موديل 1976. وقعدت معايا 12 سنه بالتمام والكمال لحد ما بعتها (مع انى كنت عامل رخصه 3 سنين وكنت ناوى أخليها ولكن ماكانش لينا نصيب مع بعض أكتر من كده).
المهم. الألمانى حاجه من اتنين. لو استعملته بعنف ح يستحملك ويعيش زى العربيات التانيه فى حالة لو كنت بتطبطب عليهم. اما بقى لو أخدت بالك منه وحافظت عليه فبيعيش أكتر بكتيييييييييييييييييييييي يييييييييير. مثال انا غيرت فى العفشه بتاعة الجولف طقم جلب المقصات اول ماأخدتها. وبسم الله ماشاء الله (ربنا يبارك للى أخدها فيها) ماغيرتهمش تانى. والكبالن انا غيرتها يادوب قبل ماأبيعها وجبت الألمانى (لاحظ انى ماغيرتهمش لمدة 12 سنه).
وان شاء الله لما ربنا يقدرنى اشترى المانى تانى.