|
درج التابلوه مش بيفتح
السلام عليكم من حوالى سنه او سنه ونص العربيه كانت المفروض ان بيتعمل فيها عمره عند شخص عنده مركز صيانه وطلع فى الاخر راجل مش كويس وكان راكن العربيه شهرين من غير ما يحصل فيها شغل والعربيه اتعرضت للسرقه هيا عنده كمان ما علينا الحمدلله اننا خدنا العربيه بعد كده والموضوع انتهى بس لما خدتها من عنده درج التابلوه مكنش بيفتح خالص ولحد دلوقتى مش بيفتح بحط المفتاح بيلف لفه كامله عالفاضى ومش بيفتح برده جيبت اسبراى مزيل الصداء wd40 ورشيتها مكان دخول المفتاح وبرده مفيش فايده ! مش عارف اعمل ايه انا كنت فقدت الامل وكبرت دماغى بس الصراحه فى حاجه قلقانى خايف يكون فى مصيبه جوه ولا حاجه وفى يوم يكون فى لجنه ولا تفتيش ويكسروا الدرج ألاقى مصيبه جوه والبسها انا لقدر الله ! هل فى حل للدرج ده عشان أفتحه ! |
رد: درج التابلوه مش بيفتح
أى محل مفاتيح هيشوفهولك ويعمللك اللازم
|
رد: درج التابلوه مش بيفتح
السلام عليكم هو المفتاح بيلف على الفاضي ولا مابيلفش خالص وريها لواحد بتاع مفاتيح ولو لم يفلح اكسر الدرج واشتري واحد من الحرفيين وامرك لله ولو غطاء الدرج عدل ممكن تفصل قطعه خشب وتعمل لها فتحه من الأعلى وتركب قفل زي بتاع درج المكتب او الدولاب الصاج والله المستعان |
رد: درج التابلوه مش بيفتح
اقتباس:
بس استفسار صغير اى واحد بتاع مفاتيح يعنى مفاتيح عاديه زى اللى بيعمل مفاتيح شقه وكده ولا يكون تخصص عربيات ؟ |
رد: درج التابلوه مش بيفتح
اقتباس:
شكرا يا استاذ وليد عالرد والاهتمام المفتاح بيلف لفه كامله عالفاضى اوريها لأى واحد بتاع مفاتيح ولا واحد تخصص مفاتيح وببان عربيات ؟ انا مش بفضل أكسره الصراحه يعنى فى أسوأ الفروض انا سيبه زى ما هوه انا بس قلقان خايف يكون فى مصيبه جوه والبسها انا ولا حاجه |
| الساعة الآن 02:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017