مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - اجيب ايه ب 25 (https://www.masrmotors.com/vb/showthread.php?t=133648)

اجيب ايه ب 25

مساء الخير عليكم جميعاانا اول مرة اجيب عربية فعايزة عربية مستعملة فى حدود 25000 جنيه مصرفش عليها كتير وتكون شكلها حلو يعنى انا مش حابة الفيات بكل موديلاتها بس وانا بدور ع النت لقيت عربيات ف حدود فلوسى دى زى مازدا 121 و 323 و دايو ماتيز و راسر و سوزوكى سويفت و ماروتى و فورد فيستا و اسكورت و هيونداى اكسيل و سيات ابيزا و سكودا فيليشيا
انا اكتر 2 عاجبنى مازدا 121 و دايو ماتيز
وانا بسم الله ما شاء الله ابيض يا ورد فى العربيات مش عارفة ايه الانواع الحلوة ف دول فى حدود فلوسى تنصحونى بايه؟ و ايه اللى اخلى بالى منه ف مواصفات العربية يعنى مثلا المفروض تكون سعة المحرك كام سى سى ؟ و تكون عاملة كام كيلومتر بالكتير؟ وايه كمان اخلى بالى منه

رد: اجيب ايه ب 25

انا شايف إن الماروتى هتكون مناسبه عربية موفرة فى البنزين حجمها مش كبير يعنى تتركن فى اى حته بس اهم حاجة تشوفى حاجة تكون حالتها كويسة وطبعا لازم تكشفى عليها قبل الشراء وبالتوفيق

رد: اجيب ايه ب 25

اقتباس:

المشاركة الأصلية كتبت بواسطة momen_bondok (المشاركة 985797)

طب ايه رايك فى بيجو 106 فى البنزين و قطع الغيار؟

رد: اجيب ايه ب 25

السلام عليكم ورحمة الله وبركاتة
البيجو عموما حريقة بنزين وقطع غيارها مولعة واى حاجة فى حدود 25.000 هيكون موديلها قديم
انا معايا سويفت الحمد لله من يوم ما جبتها وظبطها مريحانى وبسافر بيها مشوار حوالى 400 كم والحمد لله مش بتتعبنى فى السفر والاهم من دا كلة ان قطع غيارها متوفرة ورخيصة جدا
وكمان موديلاتها حلوة 95 او 93 يعنى حديثة شوية مقارنة بالبيجو والفيات
والله المستعان

رد: اجيب ايه ب 25

السلام عليكم
خليك في السوزوكي والهيونداي افضل العربيات في استهلاك البنزين وقطع الغيار واعادة البيع
وخلى حد بيفهم معاك وانت بتشتري يكشف عليها
والله المستعان