استشارة
 

السلام عليكم كل سنة والجميع بخير

عايز راى الخبراء فى السيارة

دايو ريسر 94 اتوماتك

مع العلم انى اول مرة اشترى عربية يا ريت الرد للاهمية

رد: استشارة
 

طالما اول مره يبقي المفروض تدور عن عربيه منتشره شويه عشان متتعبكش في صيانتها و قطع غيارها .!؟. الا لو قدامك عربيه من النوع اللي سيادتك ذكرته تكون حالتها حلوه جداااااااااااااا تشجعك علي شرائها .

رد: استشارة
 

يلاش حاجتها مش موجوده بوفرة يعنى هتتعب على متلاقى حاجة ليها

رد: استشارة
 

رد: استشارة
 

السلام عليكم
عندي عربية مازدا 323 وبعدين حست ان الجانب اليسار مكان السائق فيه ميل بسيط والعربية أكنها الكوتش الأمامي مهوي ولكن الهواء فيه مضبوط ز فهل ده مساعد السيارة خرب ولا ايه بالضبط

رد: استشارة
 

أستاذ السيد الجداوى ياريت تكتب سؤالك فى موضوع جديد يعنى هتلاقى عبارة (أكتب موضوع ) اعمل عليها كلك وتخش تكتب مشكلتك حتى تظهر لكل من يرى المنتدى الأن ,,لأن مشكلتك كده هتبقى محسورة داخل هذا الموضوع الممكن محدش ياخد باله من موضوعك --

رد: استشارة
 

باالنسبة لقطع الغيار زى اللانوس للأسف الناس بتحب تفتى كتير وفى الأخر تفاجىء العكس او يمكن يكون صح ,طيب وليه الحيرة وبعدين نقع فى مشاكل ولاحظ حضرتك إنك بتشترى مستعمل والمستعمل زى البطيخة وحتى لو حمره بيبقى بطبيعة الحال عايز شغل من وقت لأخر ,طيب إيه العمل ؟! اعتقد التأنى فى الأختيار بعد عمل دراسة مستوفية للسوق لأنك عايز تشترى عربية بأذن الله متأرفكش وتفتح بقها زى مابيقولوا ,إذن اهم حاجة ان العربية تكون حالتها جيدة والأهم تكون حاجتها عند البقال يعنى كل صنايعية مصر حاطين ايدهم فيها وعارفين مشاكلها وطرق حلها بسرعة ,لذلك برجاء التأنى وعدم التسرع وبلاش تسمع لواحد بس اسأل ناس كتير فى هذا المجال فى السويس وياريت تسأل ميكانيكى عندك يكون مشهور وتعرف منه هل العربية دى زى اللانوس ولا لأ --- وباالتوفيق إن شاء الله