كم أكثر سرعة مشيت عليها؟؟؟
تكملة لموضوع الاخ الفاضل ابو نورا عن السرعة
حبيت احط الموضوع ده و ارجو انه ميكونش مكرر كام اكثر سرعة مشيت عليها ؟ عملت الكارثة دى فين بالظبط و امتى ؟ كان ايه السبب فى التهور؟ نوع العربية و الموديل ؟ ايه اخبار ثبات العربية ؟ (stability ) ؟؟؟ كان احساسك ايه اثناء و بعد التجربة الحياتية المريرة دى ؟ تعليقك على الموضوع |
رد: كم أكثر سرعة مشيت عليها؟؟؟
أكثر سرعة جبتها بالعربية كانت 190 k/h وكانت فى طريق العين السخنة.
كان السبب فى كدة ميعاد مع احدى الشركات وكنت متأخر وعاوز الحق الميعاد. السيارة ستروين اكسارا 2 موديل 2003 موتور n7 . الثبات كان جيد جدا ولكن صوت الموتور كان عالى بشكل رهيب كنت عاوز اصور العدادات بس ما لحقتش لقيت سيارة قدامى فرملت السرعة قلت ومشيت على السرعة دى حوالى نصف دقيقة. كنت فرحان ان اسيارة جابت السرعة دى مع التكييف كمان.ptmnlo123per1147 |
رد: كم أكثر سرعة مشيت عليها؟؟؟
كام اكثر سرعة مشيت عليها ؟ 190كم
عملت الكارثة دى فين بالظبط و امتى ؟ طريق العالمين والكلام ده كان السنه اللى فاتت كان ايه السبب فى التهور؟تجربه العربيه نوع العربية و الموديل ؟رينو 19 ايه اخبار ثبات العربية ؟ (stability ) ؟؟؟كانت رائعه فعلا لغايه 160 وبعد كده قل بس مش قوى يعنى كان بيوازى ثبات اللانوس على 120 كان احساسك ايه اثناء و بعد التجربة الحياتية المريرة دى ؟ بصراحه ولا اى حاجه (مش اكتر من انى كنت فرحان بالعربيه برضه) |
رد: كم أكثر سرعة مشيت عليها؟؟؟
كام اكثر سرعة مشيت عليها ؟ 190 كم
عملت الكارثة دى فين بالظبط و امتى ؟ طريق السويس كان ايه السبب فى التهور؟ كنت بجرب العربيه نوع العربية و الموديل ؟ بيجو 405 موديل 90 ايه اخبار ثبات العربية ؟ (stability ) ؟؟؟ بسمالله مشاء الله ثبات هايل جدا كان احساسك ايه اثناء و بعد التجربة الحياتية المريرة دى ؟ حاسيت ان الدنيا وقفت و انا بس البتحرق هههههه |
رد: كم أكثر سرعة مشيت عليها؟؟؟
عاش الوحوش :) كل الشباب ما شاء الله جايبين ال 190
بس اللى انا مستغرب له بصراحة حكاية الثبات (ما شاء الله ربنا يبارك لكل واحد فى عربيته يا رب ) انا فاكر انى سوقت الكورولا اكتر من مرة و اكتر من عربية مرة موديل 2002 و مرة موديل 2006 و حاولت اجيب بيها سرعات عالية الاتنين بيجوا عند 110 و احس ان العربية مش بتاعتى العربية بتاعت الهوا فعلا مفيش اى ثبات فا هل ده عيب فى الكورولا بقى ولا ايه؟؟؟؟ لو حد عنده فكرة يا ريت يفيدنا يا رجالة ........ و فين باقى الاعضاء ؟؟؟؟؟ ماتقولوش انكم يعنى ماتهورتوش قبل كدة ... فى انتظار ردودكم يا حلوين |
رد: كم أكثر سرعة مشيت عليها؟؟؟
اقتباس:
لاحظ ان كل اللى عدى السرعة وحاسس بأتزان جيد سيارته اوروبية الصنع هو ده الفارق بين الصناعة الأوروبية والأسيوية حتى لو كانت يابانى مع احترامى لكل الأنواع بس الأوروبيين عندهم اسلوب فى الصناعة يهتموا فيها اولا بعامل هام جدا الا وهو الامان مش بس القدرة الموتورية وبس |
رد: كم أكثر سرعة مشيت عليها؟؟؟
اكتر سرعة مشيت عليها كانت 160
الكارثة كانت على طريق العريش و انا رايح اصيف السبب ان والدى و اخواتى سبقونى و انا كنت عايز احصلهم و اطريق كان فاضى بس مجبتش اكتر علشان اطرق كان كلة ملفات نوع العربية لانسر كريستالة موديل 98 الثبات كان كويس جدا اكنى ماشى على ال 100 احساى بعد كدة ان كان نفسى اقفل عداد ................... بالانسبة لالاستاذ الى بيتكلم عن اليبانى العربية كانت ثابتة جدا و اعتقد ان اكريستالة و الايفيو بتوع راليات وشكرا و كل واحد و وجهة نظرة |
الساعة الآن 01:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017