مصر موتورز مجتمع السيارات - طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

بسم الله الرحمن الرحيم

الموضوع دة عبارة عن ملف فيديو انا عاملة بيوضح ازاى ترفع كفاءة التكييف فى عربية الدايو لانوس

وفى الواقع هو ينفع مع عربيات كتير جدا مش شرط دايو لانوس فقط عشان كدة انا بعد ما رفعتة فى القسم بتاعى (دايو لانوس) قلت ان انا هرفعة فى القسم العام عشان تبقى المعلومة لكل الاقسام

لأن الحاجات اللى انا بشتغل عليها موجودة على الاقل فى 80 % من السيارات

وللعلم انا مرفعتش ملف الفيديو دة الا بعد ما جربت الفكرة ونجحت معايا وشغال بيها بقالى 3 اسابيع حتى لحظة كتابة هذة السطور

تكلفة الفكرة بسيطة جدا ومتوفرة وتمنها اقل من 25ج والنتيجة بتاعتها كانت ممتازة

وبدون الدخول فى تفاصيل معقدة واسباب ارتفاع كفاءة التكييف فى سيارة عن سيارة اخرى ومقارنات هقولك ببساطة ان العربيات اليابانى معروف عنها ان التكييف بتاعها تلاجة وبعض العربيات العالية
لكن اللى زى الدايو وما شابهها من السيارات التكييف بتاعها بيكون كويس ومعقول لكنة مش تلاجة

بمعنى ابسط وواضح:
اختبار التكييف بالنسبة للعربيات اللى التكييف فيها بيكون انالوج مش ديجيتال بيكون انك تشغلة على اقصى سرعة فى ظهيرة يوم حار يعنى من الساعة 11 الضهر لحد الساعة 3 العصر وفى الوقت دة تقدر تعرف كفاءة تكييفك الحقيقية

لكن غير كدة بيكون الجو لطيف اصلا وبيساعد التكييف فمش مقياس

بعد ما نفذت الفكرة دى فى عربيتى انا بقيت بسقع بجد من تكييف الانوس فى الوقت السالف ذكرة وبضطر انزل التكييف لسرعة 3 او 2 عشان اتحمل درجة البرودة ويبقى الجو لطيف جوة العربية

قبل ما تتفرج على الفيديو اختار من الضبط اعلى نقاء او اعملة دونلود لو السرعة عندك بطيئة

http://www3.0zz0.com/2014/05/11/16/659533845.jpg

ملف الفيديو
‫ط·ط±ظٹظ‚ط© ط²ظٹط§ط¯ط© ظƒظپط§ط،ط© طھظƒظٹظٹظپ ط¯ط§ظٹظˆ ظ„ط§ظ†ظˆط³ ط¨طھظƒظ„ظپط© 25ط¬ظ†ظٹط© ظپظ‚ط·‬‎ - YouTube

رد: طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

اولا فيديو جميل جدا مشكور على مجهودك لكن اسمحلى,
عزل المواسير الى رايحة من الكومبريسور مابيزدوش كفائة التكيف بالعكس شيلها واعزل الانابيب الباردة فقط.
لو لمست الانابيب ده هتلاقيها سخنه جدا وده بسبب الكومبريسور بيضغط الفريون والغاز بيسخن جدا وعلشان كده بيعدى على الكوندينسور (السربنتينة) علشان يحصل التبادل الحرارى زى ما قلت وكده يبقى عندك غاز تحت ضغط عالى ولكن درجة حرارته مش عالية فانت اساسا عاوز تبرد الانابيب ده فشيل العزل من عليها وشيل برضو الى رايح للكومبريسور لانه مالوش فايدة برضو ده الى راجع من العربية من جوة وخلاص بقى بدرجة حرارة الجو
الغاز بيبرد حسب ظاهرة طومسون Jole-Thomson effect بعد ما يعدى من الصمام ويحصله تمدد expansion ومن هنا ابدا اعزل لحد ما يوصل للمقصورة بالداخل
تقبل تحياتى

رد: طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

اقتباس:

المشاركة الأصلية كتبت بواسطة amir elgamal (المشاركة 976681)

كلامك جزء كبير منة صح
بس فية ملاحظة بسيطة مخدتش بالك منها وهيا ان خط الطالع من الكباس واللى رايح على السربنتينة جنب الهيدر بتاع الشكمان علطول فانا عزلتة عشان احمية من حرارة الهيدر

رد: طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

تم رفع الموضوع استعداد لموسم الصيف