عمرة موتور للماروتي 2002
 

السلام عليكم ورحمة الله وبركاته

طلب من خبراء الماروتي
قدامي ماروتي 2002 معمولها عمرة من فترة قريبة جدا ، مش عارف هل العمرة معناها حاجة كويسة ولا كونها عامله عمرة ده حاجة وحشة او تخوف ياريت تفيدوني بسرعة ، ويا سلام لو قدرتم تضعوا تسعير لها علما بأنها موديل 2002 ومحتاجة شوية سمكرة بسيطة بس الدواخل والقوايم فابريكة ، ياريت الرد بسررررررعة يا خبراء الماروتي وجزاكم الله كل خير
<!-- / message -->

رد: عمرة موتور للماروتي 2002
 

لازم فني يشوفها كويس وهو اللي يقدر لك سعرها
معني كلمه عامره ان السلندرات وسعت وبقت يدخل الزيت علي البنزين في غرفة الاحتراق بكده العربيه بتاكل زيت كتير ويطلع دخنه كتيره من الشكمان
وعاشان العريب ده يتصلح بيتفك الماتور كله ويتعمل لها شميز وجوانات وشنبر بس بيرجع تاني جديد وعلي حد علمي ان اي ماتور بتعمله عمره مرتين فقط ومينفعش الثالثه لانه بكده بيكون السلندر وسع جدا فميكونش له تصليح والحل ان الماتور بتغير مع العمره الثالثه
بالنسبه للتسعير لازم فني يشوف العربيه كويس ويختبرها كويس وهو اللي قدر يحدد سعرها لانه هيكون ادري واحد بحالتها والافضل انك تعرضها علي اكتر من فني وتسمع كلامهم ولو لقتي الكلام متفاوت وازن انت اللامور بنفسك وقيمها ولو حسيت انها هتجيبلك وجع دماغ ابعد عنها

رد: عمرة موتور للماروتي 2002
 

جزاك الله كل خير يا حبيب الناس على المعلومات القيمة وربنا يسهل ان شاء الله بفكر ارفعها في بنزينة واعملها فحص شامل والله المستعان ، اه بالمناسبة ماتعرفش بنزينة كويسة تكون قرب الهرم او فيصل وتكون حنينة في السعر ، ولو طلع الموتور كويس تفتكر ممكن سعرها يجيب كام علشان ما اظلمش صاحب العربية ولا يظلمني ، ومتشكر جدا على ردك وتعبتك معايا

رد: عمرة موتور للماروتي 2002
 

ما انا قولت لضرتك لازم ميكانيكي يشوفها وهوا اللي هيحدد سعرها ييعني العربيه لو كويسه ومش محتاجه مصاريف يعني من 20 لحد 24 هيكون سعر مناسب
لكن لو محتاجه مصاريف شوف المصاريف ايه واخصمها ولو محتاجه اصلاحات برضه شوفها تساوي كام واخصمها يعني بعد الخصومات ممكن ثمنها يوصل الي 18000 يعني من 18000 لحد 24000 الي هيحدد السعر بالظبط ميكانيكي وعفشجي وديهم لاكتر من واحد هيبصلك عليها وتديله من 20 او 50 جنيه بس تكون مططمن واوعي يكون الميكانيكي يكون معرفه صاحب العربيه لانه ممكن يديله 200 جنيه ولما انت تروحله يقولك العربيه زي الفل واوعي تسيبها ويفضل يشكرلك فيها طبعا لانه قابض من صاحب العربيه هههههههههههههه
فيه بنزينات كتير اللي بيكون فيها غسيل وتشخيم انا معرفش في الجيزه حاجه لاني من سكان القاهره