بخصوص مشكلة الحك في الجيتا
 

سلام عليكم
يا جماعة انا عندي استفسار محيرني جدا
انا الحمد لله اشتريت عربية جيتا 2009 خليجي توب لاين فيها كل حاجة العربية بصراحة ما شاء الله عليها بس فيها حاجة محيراني انا حاسس انها واطية اوي يعني بتحك في المطبات كتير وخصوصا لما اكون محمل
فصراحة انا خايف جدا من الحك دة
ناس قالولي الحك دة طبيعي بس انا كدة عشان لسة شاريها وقالولي ان الحك دة ما فيش منة خوف لانة بيحك في طبقة الفيبر اللي موجودة تحت في الجيتا وان الجيتا هي طبيعي عربية واطية عشان الثبات زي السفيك وقالولي ماتخافش لان الجيتا مصممة لكدة ومن تحت حطلينها فيبر عشان الحك يكون بعيد عن جسم العربية
وناس قالولي لا الحك دة خطر وممكن ياثر علي العفشة ويعمل بارومة
فصراحة انا مش عارف الصح فين واية الحل للموضوع دة ؟
العربية باستثناء المشكلة دي روعة ما شاء الله
بس المشكلة دي قلقاني جدا ومخلياني قي بعض الاحيان اندم اني اشتريتها
فياريت اي حد يفيدني في الموضوع دة ويقولي امتي يكون فية خطر من الحك؟

رد: بخصوص مشكلة الحك في الجيتا
 

اية يا جماعة مافيش رد ولا اي؟

رد: بخصوص مشكلة الحك في الجيتا
 

حاول تاخد المطبات بالراحة ولو مطب عالى حاول تاخده بالورب ..

واتعود تعدى جامد عموما عند المطبات .. وباذن الله مش هتحك منك ..

وعموما حك العربية يكون مضر لو خبطت جامد فى مطب او حفرة وممكن يخبط الشاسية او يكسر الشكمان لا قدر الله .. لكن لو حكيت بالراحة خالص باذن الله مش هيكون فى ضرر ...


وربنا يباركلك فى العربية ويكفيك شرها وشرور الطريق ...

رد: بخصوص مشكلة الحك في الجيتا
 

ربنا يباركلك فيها عربيه جميله بس على فكرة متندمش لان متوسط العربيات كلها كده دلوقتى دة مش عيب الصناعه ده عيب شوارعنا احنا مفيش مقايس صحيحه لعمل المطبات الصناعيه

رد: بخصوص مشكلة الحك في الجيتا
 

بالنسبة لانو عربيتك واطية عالارض فلازم تفرق بين حاجتين :
الاولى انها متوطية في بلادها يعني توطاية اصلية فدا حاجة طبيعية ومفيش مشاكل بس بالراحة عالمطبات .
والتانية انها متعدلة يعني متركب عليها طقم توطاي رياضي مثلا في الحالة دي ممكن تغيرو وتركب صنابرصات وكعكات اصلية ليها .

وبالتوفيق ان شاء الله .ROSE4U