|
مساعدة بخصوص صوت المتور في الساجا
السلام عليكم ... انا احمد صديقكم هنا في المنتدي كان عندي أستفسار و اتمني ان حد يجاوبني علية.
انا كنت بعمل صيانة دورية في التوكيل و كلة كان تمام و في صيانة ال 20000 الصراحة معملتهاش في التوكيل و حطيت زيت shell helix ultra و كانت العربية كويسة بس بعد فترة بقي صوت العربية عالي اوي بقيت سامع صوت المتور حتي و انا قافل الأزاز و الصراحة دي حاجة مضايقاني اوي. فلو اي حد يعرف السبب ممكن يكون من اية ياريت الأفادة و شكرا ROSE4U |
رد: مساعدة بخصوص صوت المتور في الساجا
عزيزى الفاضل .... مافعلته من تغيير الزيت هو السبب فى ذلك الصوت.. ببساطة شديدة جدا... الزيت الذى وضعته مواصفته 5W-40 " هتلاقيه مكتوب على الجركن " لكن الموصى به للمحرك هو زيت ذو مواصفه " SAE20W-50 " وهو زيت ذو لزوجة أعلى ويتحمل درجات الحرارة المرتفعه .... رجاءا .... إفعل ما شئت فى سيارتك إلا ثلاثه أشياء مهمة جدا جدا جدا ( المحرك + الجيربوكس + الفرامل ) إنساهم خالص وتحط اللى مكتوب فى الكتالوج بدون أى تغيير أو توفير حفاظا على عمر المحرك وصندوق التروس وسلامتك وحمايتك .. نصيحتى :- أولا - فورا إذهب لأى مركز صيانه وقم بإنزال الزيت مهما كان جديد ... مش مهم ... إعتبر نفسك غسلت الموتور من جوه بالزيت ده ... ثانيا - قم بشراء الزيت الموصى به كما ذكرت من قبل ... مش مهم نوع الزيت ايه وكلامى ده عن خبره 15 سنه لأن دى شغلتى أساسا فى زيوت المحركات .. مش مهم الشركة اللى عاملاه مين ... شل ولا اسو ولا مصر ولا التعاون ولاتوتال او .... او ... او .... كله واحد ... المهم المواصفة المكتوبه على الجركن ... لازم يكون مكتوب على الجركن " SAE20W-50 " وتتأكد من ده بنفسك ... تحياتى وابقى رد عليا عملت كده ولا لاء... محمد عبد المجيد الاسكندرية للإضافات البترولية (اكبا) 0116007025 |
رد: مساعدة بخصوص صوت المتور في الساجا
السلام عليكم
الله ينور يامحمد بيك اسمع الكلام ده واعمله زى ما محمد بيقول بالظبط |
رد: مساعدة بخصوص صوت المتور في الساجا
أولا شكرا كتير ليكوا علي ردكوا ... انا نزلت الزيت اللي كان فيها و جبت زيت زي اللي مكتوب في الكتالوج بظبط API SAE 20W - 50 و كمان مشيت بالعربية شوية بس للأسف صوتها لسة عالي (what)انا مش عارف دا ممكن يكون من اية بوجيهات والا جوان وش السلندر انا بجد مش عارف اعمل اية.
|
رد: مساعدة بخصوص صوت المتور في الساجا
اه في حاجة كمان انا مالقتش من الزيت دا 10000 كل اللي موجود منة 3000 بس ... و كمان كنت عايز اعرف لو حد يعرف حد بتاع عفشة كويس عشان في صوت ظهر عندي فوق العجلة اليمين و عمال يزيد ... و شكرا
|
| الساعة الآن 11:10 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017