|
انا وسبير كار
السلام عليكم اولا
معرفتي بسبير كار بدأت من هنا من المنتدي ده مع اني ساكن في مدينه نصر الا اني ولا كنت اعرف حاجه اسمها سبير كار غير اما دخلت المنتدي ده ومنه عرفت ان الزحمه اللي كانت بتبقي تحت الكوبري نادي السكه مدينه نصر سببها ناس بتركب فرش عند سبير كار (كنت ببقي ماشي اقول هيا الناس دي فاتحه البيبان دي ليه كده :HAPPY_~211::HAPPY_~211:) المهم انا اول ما كلمت كلمت أ / امير وعرفت نمرته من المنتدي هنا والراجل ده بجد راجل محترم فوق الوصف كان معايا صوره فرش جلد عاوز اعمله تفصيل وقاللي روح المصنع وهما حيظببطوك صوره الفرش االلي كنت عاوز اعمله اهو http://www10.0zz0.com/2010/01/27/12/774285236.jpg وتقريبا الصوره دي كان واحد عاوز يعمله هنا في المنتدي المهم رحت المصنع فعلا وكان هناك أ /سيد وعم مصطفي اللي بيفصل وده راجل جامد جدا واخيرا أ/ اسلام اخو ا/ امير وبردو ميتخيرش عنه في الذوق سلمت العربيه لانها كانت محتاجه حاجه اسمها تنغيز (تخييط الفرش في فرش فابريقه العربيه ) عشان يدي التفاصيل دي ويبقي متحدد كده طبعا اما رحت قالولي ان الجناب اللي في الصوره دي متنفعش في اللانسر لان فرشها مش كده ولازم تتنجد ووروني عينه الصراحه شكلها مش حلو وهيا متنجده فقلتله لا مش لازم جناب اصلا اهم حاجه الرسمه ودي كانت النتيجه ياجماعه http://www10.0zz0.com/2010/01/27/12/233504706.jpg http://www10.0zz0.com/2010/01/27/12/216077333.jpg دي الكنبه والكيس اللي تحت ده سندوتشات ومحدش يمد ايده بقي :HAPPY_~211::HAPPY_~211: http://www10.0zz0.com/2010/01/27/12/940138930.jpg http://www10.0zz0.com/2010/01/27/12/538410530.jpg ودي صوره من قريب تبين التفصيل من قريب تمن الفرش ده كان 650 والخصم عشان المنتدي 600 جنيه بالتركيب بكل حاجه مدفعتش ولا جنيه زياده والله وفي الاخر بجد مش عشان حاجه بس الناس دي فعلا كسبت احترامي كعميل واحد امبارح بيقولي اعملهولك جلد انضف من ده ب250 جنيه وتفصيل وكله قلتله عند امه ياادهم ادفع انا بقي ال250 ويعملي فرش بمفرش سفره ولا بجلد معيز ماهو ده اخره يلا المهم شكرا أ / امير وربنا معاك في امتحاناتك يارب شكرا أ / اسلام شكرا أ / سيد شكرا عم مصطفي وشكرا لكل عمال سبير كار في كل الفروع |
رد: انا وسبير كار
مبروووووك
ياباشا على الفرش الجديد وفعلا شكله جميل وشكراااا فريق سبير كار ودلواقتى لو عاجبنى اى فرش في اى عربيه اجيب صورته وهما هيعملولى زيو بلظيط ...؟؟؟:HAPPY_~211: |
رد: انا وسبير كار
مبروك على الفرش الجديد.. بس فين هو المصنع بتاعهم واستلمت الفرش جاهز بعد اد ايه؟
وياريت لو فيه حاجه تانيه عندهم لفتت انتباهك هناك تقولنا عليها |
رد: انا وسبير كار
اقتباس:
انا جبت الصوره من عالنت ووريتهالهم بس لو تفصيل ريح نفسك وروح المصنع علي طول عشان انا رحت الفروع كلها المصنع ورا دار الهلال في المبتديان وسط البلد معروف هناك |
رد: انا وسبير كار
اقتباس:
والوصفه السهله خد شارع شريف لاخره خااااااالص لحد ما تلاقي الشارع قفل خالص ده ميدان لف الميدان وكمل علي طريقك تلاقي شارع المبتديان قفل الطريق بالعرض خش شمال حتلاقي يافطه مصنع فرش هوا ده واستلمت الفرش بعد 5 ايام بالظبط وديت العربيه الساعه 1 استملتها الساعه 7 بالليل لان ده بيخيط علي فرش الفبريقه الملاحظ هناك ان الناس معاملتها حلوه جدا وبينصحوك بالمفيد ده غير ان المنتدي هنا معروف هناك واي حد بيديك الخصم اللازم ممكن تلاقي الحاجه ارخص بره بس كفايه انك تلاقي حد تكلمه لو فيه حاجه بايظه ولا فيها حاجه ده لو لقيت اصلا |
| الساعة الآن 11:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017