تجربة
ورشة BMW منصور



فى الحقيقة انا كان عندى فكرة سلبية عن اغلب ورش اصلاح وصيانة البى ام فى مصر وكنت شايف ان اخرها صيانة الموديلات القديمة فقط اما الموديلات الحديثة بكل ما فيها من تعقيدات فهى مازالت حكراً على التوكيل سواء لتوفر الخبرة الفنية او قطع الغيار لحد ما حصلتلى مشكلة (رخمة حبيتين) هبقى احكيهالكم فى موضوع منفصل فاشار على احد اصدقائى فى التوكيل بالورشة ديه وفعلاً روحت اضطراراً

الانطباع الاول عن كان مزيج من الانبهار لكل العدد ده من العربيات والفنيين ومستوى الموديلات والفئات والاطمئان فى نفس الوقت لشهادة الناس لصالح الورشة وصاحبها ومستوى الخدمة

وبعد اكثر من زيارة وعلى مدى شهور من معرفتى بالورشة اقدر اقول انها من افضل الورش المتخصصة فى البى ام فى مصر ان لم تكن الافضل على الاطلاق واليكم الاسباب

مستوى عالً جداً من الخبرة والكفائه لفريق العمل بدايه من المهندس منصور صاحب الورشة الى جميع الفنيين المعاونين يتمثل ذلك فى سرعة ودقة تحديد الاعطال وكذلك الاصلاح بدايه من اعطال العفشه والفرامل ودورة التبريد الى اصلاح المحرك والفتيس العادى والستيب ترونيك والفتيس الغزر والفتيسات الرياضية M Sprot

استخدام اساليب وادوات فنيه متطورة تضاهى مستوى التوكيل منها العديد من اجهزة الكشف على الاعطال لجميع مكونات السيارة واحدثها جهاز يمكنة من تحليل بيانات السيارة وتحديد ما بها من اعطال فقط عن طريق المفتاح بدون حتى وجود السيارة

اسعار مناسبة واقتصادية جداً اذا ما قورنت بالتوكيل او مراكز الخدمة المعتمدة

يقوم المركز بعمل سجل لكل سيارة وما تم بها من اصلاحات وقطع غيار للرجوع اليها فى اى وقت ليضمن المركز قطع الغيار المستخدمة من طرفة والاصلاحات المقدمة


http://a5.sphotos.ak.fbcdn.net/hphot...76777967_n.jpg




http://a7.sphotos.ak.fbcdn.net/hphot...81879780_n.jpg



http://a2.sphotos.ak.fbcdn.net/hphot...97439369_n.jpg



http://a1.sphotos.ak.fbcdn.net/hphot...82422092_n.jpg


http://a1.sphotos.ak.fbcdn.net/hphot...76182684_n.jpg


http://a6.sphotos.ak.fbcdn.net/hphot...06439281_n.jpg


http://a6.sphotos.ak.fbcdn.net/hphot...44340300_n.jpg

تكاليف اصلاح مشكلة الريداتير فى الورشة
السيارة E90 320

http://a2.sphotos.ak.fbcdn.net/hphot...89896970_n.jpg

http://a3.sphotos.ak.fbcdn.net/hphot...17781753_n.jpg

المشكلة
اثناء عودتى من الاسكندرية فؤجئت بظهور علامة الريداتير على شاشة الاعطال
بصيت على المية لقيتها فايرة وعمالة ترد كانها واخده هوا
عملت كام تليفون استشير بعض الاصدقاء وعملت كام محاولة علشان اخد الهواء وزودت مية ومشيت
وفى نص الطريق نزلت بصيت وزودت تانى والعلامة لسه موجودة لحد ما روحت

ولما دخلت القاهرة كان الدائرى زحمة موت وفضلت فى الزحمة اكتر من ساعة وتوقعت العربيه تسخن لكن الحمد لله مسخنتش
ركنتها وطلعت نمت وتانى يوم دورت العربيه لقيت نفس العلامة زودت مية واخدت الهواء وبرضو العلامة موجودة

الشكوك اللى كانت عندى يكون الريداتير اتخرم او مشكلة فى حساس الريداتير
اللى كان بيايد السبب الاول فوران المية ونقصانها واللى كان بيايد السبب التانى عدم سخونة الموتور وظهور اى علامة اخرى واستمرار ظهور علامة الريداتير حتى بعد برودة العربيه تانى يوم وحتى بعد اخذ الهواء وتزويد المية

المهم قولت مبدهاش وطعلت على منصور

الدكتور منصور كان بيجرب عربيه والشباب استقبلونى ومن الكشف المبدئى قالو كوعة ريداتير
بعتنا جبناها وركبنا وجربت العلامة ظهرت تانى مسافة ما مشيت من عندة ووصلت مصر الجديدة
رجع شكى فى ان السنسور بايظ هو كمان لانى شوفت الكوعة اللى اتحلت بنفسى وفعلاً كانت مشروخة

المهم رجعت كان الدكتور منصور وصل وباستخدام جهاز لقياس الضغط فى دورة التبريد تاكد شكه فى وجود تسريب اخر فى طبه المية وديه مكانها رخم جداً فاخدت شوية وقت فى الفك والتركيب وبعدها عيدنا نفس خطوات تزويد المية واخذ الهواء ولقيت العلامة راحت من نفسها

اللى فهمته بعد كده ان السنسور مش بيقرا غير مستوى المية وطول ما فيه تسريب لازم ينور

قطع الغيار انت ممكن تروح تشتريها بمعرفتك وهما يركبوها او يبعتو يجبهوالك بعد موافقتك ومعرفة السعر
قطع الغيار اللى جبتها واسعارها
كوع مية جمب يمين بمسمار عشرة 220 جنية
طبة ميه خلفية ب 140 جنية
مصنعيات 50 جنية

الحمد لله على حل المشكلة

وربنا يجعلها اّخر الأعطال

وشكراً لدكتور منصور