ايه المشكله لماتكون السياره رشه دواخل
 

ايه المشكله لماتكون السياره رشه دواخل حديفهمنى مع العلم انهابتكون شغاله تمام مافيهاش مشاكل والشكل العام ممتاز

رد: ايه المشكله لماتكون السياره رشه دواخل
 

يا باشا العربية راشة دواخل يعني كانت عاملة حاجة من الحاجات دي.
1 - العربية كانت عاملة حادثة جامدة من قدام وكان الحوض معجون في بعضة وطبعاً مهما كان مهارة السمكري الي اشتغل فيها عمرة ما هيقدر يرجعها لمقاساتها العادية وهتفضل تاكل منك عفشة وتاكل منك كوتش والزوايا عمرها ما هتظبط معاك وتلاقيها بتحدف لانها مش مظبوطة.
2 - العربية كانت مقلوبة قبل كدا وبردو نفس العيوب الي فاتت.
3 - ان يكون كان فيها بارومة ودا معناة ان الصاج بيكون ضعيف جداً ودا بردو خطر جداً.
مع العلم ممكن يكون الصنايعي الي اشتغل فيها ممتاز ويطلعها اقرب حاجة للفبريكة ودا طبعاً نادر جداً.
انا كان معايا 128 وعملت حادثة جامدة واستعدلت الحوض ورشيتو وبعد كدا العربية كانت زبالة لدرجت اني في مرة كنت بجري بيها ومرة واحدة لقيت العربية مش بتسحب لحد لما وقفت وبجيب الغيار وادوس بنزين ومفيش اي حاجة ( انا طبعاً قولت اسطوانة ) وشديتها لحد الورشة ولما روحت الورشة الميكانيكي قالي الشاسية اتفتح.

رد: ايه المشكله لماتكون السياره رشه دواخل
 

انابشكر حضرتك على ايضاحك التفصيلى ده دا الموضوع كبير بقى وانامش عارف شكرا لك

رد: ايه المشكله لماتكون السياره رشه دواخل
 

جزاك الله خيرًا على الإفادة ربنا يجعلها فى ميزان حسناتك

أنا كنت عايز أعرف برضو الموضوع ده

رد: ايه المشكله لماتكون السياره رشه دواخل
 

مع احترامنا لكل الكلام اللى اتقال انا فى اعتقادى الكلام ده صح لما يكون الشغل بره التوكيل لكن التوكيل هيرجعهالك جديد ة بس بزيادة شويتين وطبعا انت كلامك على اساس الموديلات القديمة
لكن الموديلات الحديثة لحد 10 سنين فاتت ممكن تتعمل فى توكيلاتها وترجع جديدة
وبدليل البنوك لما بتقسط المستعمل بتشترط اخرك 5 سنين فاتت ولان البنوك بتاخد احتياطها فنقول 5 كمان قبلها