كلام غريب بيقولو الميكانيكي ...لكل إل بيفهم في العربيات بعد 2001 رجاء المساعدة
 

انا معايا عربية كيا ريو 2002 وانا كنت عايش في السعودية والمسافات هناك طويلة والعربية عملة 130000 كم وطبعا بدأ صوت الموتور يعلى....رحت لعمي وهو بيفهم أوي في العربيات (يفهم في العريبات الأديمة بس) سمع صوت المتور قلى دا التتكيهات عيزا الخلوص بتعها يتزبط مش أكتر على حسب ما أنا فهمت كان يقصد المسافة ما بين الصمامات وعمود الكامات زايدة شوية وعيزة تقل سنة ودا إلى مسبب الصوت ...بيسمو بالإنجليزي (tapety sound)...رحت للميكانيكي وقلي العربية بتعتك مينفعش فيها تزبيط تكيهات العربية النظام بتعها إسمو نظام ضغط زيت وفتح وغلق الصمامات بيتزبط عن طريق كومبيوتر العربية وهو إلى بيتولى عملية فتح وغلق الصمام عن طريق ضغط الزيت ومعظم العربيات الجديدة كدا.....وطبعا انا صوت الصمامات مجنني وعاوزو يوطى ومش عارف ....يا ترى كلام الميكانيكي مزبوط؟؟؟؟؟؟ ولو مزبوط إيه هوا نظام ضغط الزيت؟؟؟؟؟ وهل في حل لصوت الصمامات في نظام ضغط الزيت دا ولا لا؟؟؟؟

رد: كلام غريب بيقولو الميكانيكي ...لكل إل بيفهم في العربيات بعد 2001 رجاء المساعدة
 

مفيش تاكيهات في العربيات الانجيكشن , البديل كستوبانات في العربيات الانجيكشن و لما كستوبان بيبوش بيتغير عادي و الكلام الميكانيكي صحيح و كلام عمك خاطئ

رد: كلام غريب بيقولو الميكانيكي ...لكل إل بيفهم في العربيات بعد 2001 رجاء المساعدة
 

الموضوع مش مربوط في العربيات الجديده او القديمه
لان فكره التاكيهات ضغط الزيت دي موجوده في الجولف من التمانينات
اما كلام الميكانيكي و عمك الاتنين صح
و دلوقتي انت محتاج تغير عمود الكامه زي ما الباشمهندس احمد قالك

رد: كلام غريب بيقولو الميكانيكي ...لكل إل بيفهم في العربيات بعد 2001 رجاء المساعدة
 

شكرا جدا على الرد السريع...
ومعلش ليا سؤال

إزاي أعرف إن المشكلة مشكلة كستبانات فعلا؟؟؟
وهل ممكن بلوف الزيت او الكستبانات تتنضف او تتزبط؟؟؟؟
ويترى تغير بلوف الزيت حيكلف كام تقريبا؟؟؟

رد: كلام غريب بيقولو الميكانيكي ...لكل إل بيفهم في العربيات بعد 2001 رجاء المساعدة
 

لما الموتور يتفتح هتعرف المشكله من ايه ؟