|
مارأيكم فى ليفان 620
نداء الى جميع ملاك ليفان 620
العربية دى شكلها كويس بس مافيش موضوع متخصص عنها لذا ارجو من جميع ملاكها الأدلاء بأرائهم بصراحة تامة وبحيادية حتى يستفيد الجميع وممكن يكون سبيل لأنتشارها وفى انتشار اى نوع خير للجميع 1- ما رأيكم في السيارة من حيث أ - الخامات المصنوعة منها ب- الثبات على الطريق وو سائل الأمان جـ - الموتور والتكنولجيا الخاصة به هل هو من النوع sohc او dohc وهل يعتمد على تكنولجيا vvt او ما شابه ذلك د - الصالون وخاماته واتساعة ومدى رفاهيتة و- التكيف وكفائتة وهل يؤثر على عزم وسحب السيارة ام لا هـ - اى شئ اخر لم اذكرة و ممكن احد يضيفة 2- ما رأيكم فى التوكيل أ- من حيث المعاملة والمقابلة ب - الضمان والألتزام بما فية جـ - المهندسين الوجودون وادائهم د - قطع الغيار توافرها من عدمة واسعارها هـ - اى شئ اخر لم اذكرة و ممكن احد يضيفة ارجو من الجميع اباء رأهيم بصراحة وحيادية وجعلة الله فى ميزان حسناتكم |
رد: مارأيكم فى ليفان 620
انا مع حضرتك لان سمعت ناس بيشكروا فيها عالاخر . فرجاءا ان الموضوع ده ياخد اهميته اللى يستحقها . لان مش من مصلحتنا اغفال سياره ربما تكون ممتازه ونفرد اقسام فى المنتدى لسيارات محدش يعرفها الااصحابها فقط وليس لها وجود يذكر فى الشارع .
|
رد: مارأيكم فى ليفان 620
هاؤلك بمنتهى الصراحة اللى انا اعرفة
فى عربية مؤجرة لجهه العمل بتعتى نوعها ليفان 620 كل يوم بشوفها مركونة فى الباركنج والسواق موجود فيها رجعت من صلان الظهر ومولع سجارة ( لان التدخين فى الشغل ممنوع ) قلت اقف ادردش معاة شوية اولا بس عشان تعرف احنا مشورنا لغاية اما توصل الشغل حوالى 60 كيلو من القاهرة ودار بينى وبين السواق الحوار التالى -السلام عليكم -عيلكم السلام ورحمة الله -تاخد سجارة -لا والله مبخدنش -طب انا زميلك فى الشغل هنا واسمى محمد -راح اتعدل لانة كان مريح شوية وبيسمع الكاسيت -العربية دى اسمها اية يا هندسة بعد اذنك - ليفان 620 -ممممممممممم بس انا شيف انها تشبة الكورولا اوى ونفس الحجم تقريبا - لا يا باشا دى احسن منها مية مرة - احلى من التويوتا؟ يا راجل بلاش مبالغة - اة والله احسن منها - طب بس واحدة واحدة احسن منها فى اية - بص يا باشا العربية دى من جوة واسعة ومن برة حجمها كبير وبشد بيها مع اى عربية على الطريق عمرها ما كسفتنى.......... بروح بيها العاشر من رمضان التوكيل بيعملو الصيانة الدورية العادية وبرجع على طول..... وسالتهم فى التوكيل عن قطع غيار للموتور قالو انة يركب اى حاجة بتاعة التويوتا ونفس الكلام فى العفشة - طبعا هو بيتكلم وانا عينة على العربية من جوة ولقيت فيها 2 اير باج وتابلوة فعلا انيق جدا......طب التكييف بتعها عامل اية - رصاص يا باشا - ما تعرفش طيب بكام - عاملة دلوقتى 77 الف -ممممممم طب انت عامل بيها كام كيلو - فتح كونتاكت ولقيت عداد الكيلو متر مش فاكر كام بس فوق الـ 80 الف -طب انا ناوى اججيب واحدة تنصحنى باية - اتكل على الله وهاتها وانت مغمض ولغاية هنا انتهى الحوار بينى وبينة بس فعلا العربية فى منتهى الجمال والشياكة ومن جوة صالون واسع بغباء وشكلة شيك جداااااااا والعربية من برة فعلا حجمها كبير اوى وهى عموما عجبانى اوى شكلها طيب استنى كدة لو موجودة برة فى الباركنج هاصورهالك وارفعلك الصور |
رد: مارأيكم فى ليفان 620
لقيت العربية بس مقفولة ودى صورها
[IMG]http://hh7.an3m1.com/Sep/an3m1.com_13220462731.jpg[/IMG] [IMG]http://hh7.an3m1.com/Sep/an3m1.com_13220462732.jpg[/IMG] |
رد: مارأيكم فى ليفان 620
اية الجمال دة
دى طلعت صور احترافية |
| الساعة الآن 11:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017