الشتيمة حرام
انا معايا عربية لانسر بومة موديل 2013 عاملة 48000 الف كيلو بفكر ابيعها واشترى عربية سيراتو 2017 خليجي هاي لاين ممكن اعرف من اهل الخبرة اخبار العربية السيراتو اية ومحدش يقولى متقارنيش يابانى وكورى ولا في فرق بين اليابانى والكوري
|
رد: الشتيمة حرام
الكيا سيراتو والهيونداى النترا بتتقارن بالانسر والكرولا والسيفيك فى كل مكان فى العالم عادى مفيهاش شتيمة ولا حاجة بس بره حاجة وجوة حاجة لو فارق معاك اعادة البيع فكر فى الالنترا او الكرولا اكتر السيراتو اعادة بيعها مش وحشة برضو الاداء والتصميم هيحسسك بفروق جامدة عن الانسر اللى معاك وعن السيراتو اللى قبلها وعلى الجرى جراية جدا بس كعربية جديدة محدش هيديك اكتر من انطباعات لسه العربية مشتغلتش كفاية علشان تتعرف عيوبها
|
رد: الشتيمة حرام
الخليجى ليه كذا فئه وكذا مصدر خد بالك ولازم تعمل حساب الضمان علشان لو لاقدر الله فيها مشكلة تعرف تتصرف انا ركبتها مع صديق لى ماشاء الله تحفة من بره ومن جوة تحس انها عربية المانى مش كورى وواسعة وتكييفها تلاجة عيبها بس فى رائى ابعادها تحس انك صعب تقدرها وانت قاعد جوها بس بيتهئلى مع اللى بيسوقها كل يوم هيتعود انما غير كدة عربية جميلة وكل اللى جابها بيشكر فيها
|
رد: الشتيمة حرام
عربيه جميلة جدا انا معايا 2016 خليجى تاني فاه العيب الوحيد اللي كان فيها كان في صوت فى التيل ورحت التوكيل نظفه وبردو الصوت مرحش وبعد الخمسه آلاف كيلو رايح لوحده بس مستشفيات ده عيب يزكر ولكن إجمالي السياره رائعه جدا
|
الساعة الآن 04:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017