|
فيها إيه لو " لو جان "
الإخوة الأعزاء أعضاء " مصر موتورز " .... تحية طيبة و بعد
العبد لله بيفكر جديا فى شراء سيارة زيرو ... و الحقيقة انه على أد الفلوس بفكر ما زنفش نفسى و أجيب لوجان الجديدة ... و تحديدا تانى فئة منها اللى سعرها 62 ألف جم .... و الحقيقة انى قلقان جدا من الخطوة دى لأسباب كتيرة أهمها سمعة الفرنساوى فى مصر ... و التانى هو انى سمعت عن سوء التقفيل .... بالنسبة لإستخداماتى ... السيارة مناسبة جدا من حيث الحجم و الإمكانيات و المقارنة بالنسبة لى هتكون بينها و بين الفيرنا ... و دة راجع لأسباب مادية بحتة إيه رأى حضراتكم ... فيها إيه لو لوجان ؟؟؟؟؟؟؟؟؟؟ أخوكم أشرف |
رد: فيها إيه لو " لو جان "
أهلا بيك ،، يا أشرف باشا ،،، بص انا معرفشي كتير عن اللوجان ،، غير ان من معاينتي ليها في المعارض ،، كانت اول عربية احس ان الفيرنا اللي صالونها فقير و شكلها قديم بالنسبة ليها ،، متطووورة جدا بس طبعا دي اذواق تاني بند الاتنين موتور 1600 سي سي ،، بس الفيرنا 16 صبب ، 2 كامة ، 106 حصان اللوجان مش متأكد بس هوا حاجة اقل بكتييير ،، ، و تكولوجيا قديمة و 8 صباب قطع الغيار و الصيانة و الانتشار و اعادة البيع طبعا حدث و لا حرج فرق السما من العما لصالح الفيرنا نجيي بقه لنقط قد تميز اللوجان ، أولا انها متميزة اكتر ،، ثاينا ،، معظم الناس ،، مبتشكرشي في أداء الفيرنا كثبات و فرامل ،، يبقي تعمل ايه سيادتك تجرب اللوجان تشوف اخبارها ايه في النقطتين دول هل هيا فارقة كتير و لا عادي ،، اداء عادي متوقع من سيارة اقتصادية ،، لان الفيرنا اكيد متفوقة في نقطة السحب لفرق قوة الموتور ،، و بناء علي العناصر دي ،، تشوف انه الاهم لسيادتك و تقرر علي اساسه __________________ |
رد: فيها إيه لو " لو جان "
شكرا جزيلا يا أستاذ احمد ... على مشاركتك المهمة
|
رد: فيها إيه لو " لو جان "
السلام عليكم
اولا عاوز اكد ان اللوجان افضل بكثير من الفرنا ليه: 1- الفرنا عربيه مفهاش غير ماتور بس عربيه الصاج ورق بفرة العفشه بطخبط الصالون مش عالى اوى كورى 2- اللوجان عفشه محترمه عن تجربه العربيه وسع بحر صالون معقول اوى الماتور بتاع الميجان وان فرنسوى افضل اكيد من الكورى (تقفيل مصرى) |
رد: فيها إيه لو " لو جان "
موتور اللوجان 8 صباب (تكنولوجي قديم) و ده حيظر في التسارع و استهلاك البنزين
في أوروبا بتنزل باسم داتشيا لوجان لانها انتاج مصانع داتشيا (جمهورية التشيك) التابعة لرينو حاليا مشاركة أحمد أنور تحس من اللهجة انه متحيز للفيرنا لانه من مالكيها _ بس بصراحة أنا مقتنع بكل كلمة قالها اللوجان شكلها أحلي و الصالون تقريبا أوسع لكن أنا بافضل الفيرنا من وجهة نظر عملية بحته و يتبقي اختيار الزوق من الشكل الخارجي و الصالون و دي خاصية فردية لك وحدك |
| الساعة الآن 04:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017