مصر موتورز مجتمع السيارات

كلما رأيت بروشور سيارة في أحد المواقع الأجنبية
ورأيت مثله لنفس السيارة في مصر ........... أتساءل
لماذا السيارة في مصر أغلى من مثيلاتها في باقي العالم حتي في الدول التي تستورد بالكامل ولا تصنع أجزاء ولا تقوم بالتجميع
بل الأهم أنه على الرغم من سعر السيارة المضاعف أجد أن الكماليات تقل في السيارات المخصصة للمصريين
إننا لا زلنا نتباهى بالمواصفات الخليجي رغم اننا ندفع ثمن أعلى من أهل الخليج برغم قلة مستوانا الإقتصادي
إنني لست مهتما بالسيارات بدرجة كبيرة ولكن معرفتي بها نشأت من الاضطرار
المهم حتى لا أطيل
أصابني الأرق أمس بجوار ابنتي ( أسأل الله أن يشفيها ويعافيها هي وأولاد المسلمين)
فجلست لأفكر
سيارتي كانت انجكشن وقمت بتحويلها لكاربيراتير ولكن عداد الار بي ام لا يعمل
ففكرت في طريقة لاصلاحه رغم إجماع الكل على أنه لا يعمل إلا من خلال كومبيوتر السيارة
المهم بمجرد فهمي لطريقة عمل العداد ظهر كم هائل من الكماليات من الممكن إضافتها للسيارة بتكلفة زهيدة ( عندما أقول زهيدة في تعني أنها لا تتجاوز المائة جنيه في الغالب)
1- قفل سنتر الأبواب عند سرعة معينة أو أر بي ام معين ( تتخيل التكلفة ستكون في حدود 10 جنيهات لو عندك سنتر كهربائي)
2-غلق زجاج السيارة بعد سرعة معينة
3- تحديد سرعة السيارة القصوى او الاربي ام الأقصى
4- إضافة هورن قوي للسيارة يعمل بعد سرعة معينة بدلا من الهورن العادي ( يعني يبقى عندك 2 كلاكس واحد صوته جميل وناعم وهادي يشتغل على سرعة أقل من 100 ----- بس لو سرعتك فوق 100 تجي تضرب كلاكس تلاقي الكلاكس اللي صوته علي ومزعج هوا اللي بيضرب )
وأخيرا إيه رأيك بقى لو عملتلك فلاشة تحطها في العربية تبقى طبيعية تشتالها منها تبقى سرعنها القصوى 30 كم فقط لا غير او لو عايزها ما تمشيش من غير الفلاشة ممكن وممكن كمان ما تدورش من غير الفلاشة وممكن تدور مدة محدةة من غير الفلاشة وتبطل لوحدها
+++++++++++++++++++++++++ ++++++++++++++
طبعا السؤال اللي بيفرض نفسه
طيب لما هي سهلة أوي كده ................. ليه الخواجة ما بيعملهاش ؟؟؟؟؟؟؟؟؟؟؟
أولا : الخواجة بشر مش كامل يعني
ثانيا : شركات السيارات لما بتصمم عربية مش بتحط في اعتبارها مصر والمصريين إنما بيهمها الجمهور الأوروبي في المقام الأول
ثالثا : في تقارير جدية عن تعمد الشركات التقليل من مواصفات السيارات وجعل الكماليات في السيارات ذات الفئات العالية فقط
رابعا ودي الأهم : الحاجة أم الاختراع وأكيد عندهم ناس بيخترعوا واحنا ما بنسمعش عنهم زي ما هما ما بيسمعوش عن أي حاجة بنعملها