ايه رايكم اشترى لوجان ولا ماشتريش
 

السلام عليكم
فى رحلة البحث المضنية عن عربية وصلت لعربية لوجان ٢٠١٠ كاملة وعاملة ٣٣٠٠٠كم العربية استعمال سيدة وحالتها حلوة(طبعا فيها شوية خرابيش وحاجات خفيفة) والعربية فيها غاز طبيعى وبعد ما شوفت العربية وعجبتنى اتفقنا على سعر 54000
طبعا انا مش عايز اقولكم انى بقالى اكتر من شهر ونص بدور على عربية وروحت سوق السيارات الزبالة حوالى ٥ مرات وقرفت اخر قرف من الموضوع حتى انى كنت قررت اجيب جديد بالتقسيط
ايه رايكم فى العربية والسعر واللوجان عموما

رد: ايه رايكم اشترى لوجان ولا ماشتريش
 

الخ الفاضل
حسب معلوماتي إن تركيب الغاز الطبيعي يخرج من الضمان
و ممكن الأعضاء يفيدونا في ده
و علشان تتأكد أسأل المالك فين كان بيعملها صيانة؟؟؟
لو قالك بره التوكيل و تعلل بغلاء الصيانة بالتوكيل (خلي بالك انها 2010) دا يكون أكيد انه مهمل و بيسترخص أو الأكيد ان التوكيل قاله مالناش دعوة بيها علشان تعديلات الغاز اللى فيها
هذا رأيي الشخصي و الله أعلم
و يا ريت باقي الأعضاء يفيدونا

رد: ايه رايكم اشترى لوجان ولا ماشتريش
 

موديل 2010 يعنى بقالها اقل من سنة وعاملة 33 الف كم دة كتير جدا على العربية دى واحد
اتنين لية صاحبها او صحبتها ركبت غاز فى عربية زيرو
اعتقادى الخاص ان العربية دى كانت متاجرة لمكتب تاجير سيارات بدليل عدد الكيلو مترات وتركيب الغاز
ممممممممممم معرفش حاسس انها متهانة ومفحوتة شغل

رد: ايه رايكم اشترى لوجان ولا ماشتريش
 

انا فى الاول فكرت ذيك فى موضوع عدد الكيلومترات الكتير. بس رجعت حسبتها بطريقه تانيه انه ممكن يكون شارى العربيه من شهر 6 -2009 ومعنى كده انها بقالها سنتين. يبقى السنه 16 الف كيلو يبقى ده معدل كويس. والله اعلم

رد: ايه رايكم اشترى لوجان ولا ماشتريش
 

العربية تم استلامها فى اواخر ٢٠٠٩ وبعدين صاحبة العربية عندها شاليه فى مرسى مطروح
العربية حلوة وسليمة وواضح انها مش متهانة
موضوع الغاز الطبيعى دا قالتلى انه بالنسبة ليها اوفر(متنساش انى بيتكلف على الاقل ٥٠٠٠ جنيه)
وبعدين هيه عاملة رخصة لحد اخر ٢٠١٢
ولو الغاز هايخرج العربية بره الضمان هل دا معناه انى مينفعش اعمل صيانة فى التوكيل