مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   أول خبطة للأسف فى عربيتى الاستيب واى ويارب تكون الاخيرة الحمدلله (https://www.masrmotors.com/vb/showthread.php?t=85720)

Ashgan 03-05-2012 05:23 PM
أول خبطة للأسف فى عربيتى الاستيب واى ويارب تكون الاخيرة الحمدلله
 
السلام عليكم
للأسف وانا ماشية بالعربية النهاردة واحد رمى على شمال خلانى رميت شمال انا كمان وحكيت بالعربية مع عربية ربع نقل واقفة والمراية اتخلعت ووقعت على الارض بس الحمد لله المراية بس الزجاج وحاولت اركبها تانى لقيتها كليبس واتركبت تانى الحمد لله لكن للأسف فى جزء صغير من العربية ما بين البابين دخل لجوه ومحتاج شغل سمكرة ودوكو وفى خط بطول الباب اللى ورا والكارثة الكبيرة الاوكرة ورا طارت خالص الحمد لله على كل حال
كلمت التوكيل سأل على تمنها قالى 286 جم بس للأسف مش موجودة لكن هى فى المنطقة الحرة وعلى وصول
انا الحمدلله كنت مأمنة على العربية مع نايل تكافل بس مش عارفة اعمل ايه وابتدى منين انا فاضلى 600 كم على صيانة 5000 هل استنى بالمرة واعملها ساعتها بس شكل العربية مضايقنى كده وهل اعملها بره وهل ممكن الاقى الاوكرة دى بره اصلا
محتاجة مساعدتكم بسرعة يا أهل الخبرة وجزاكم الله خير

tamer.koko 03-05-2012 05:42 PM
رد: أول خبطة للأسف فى عربيتى الاستيب واى ويارب تكون الاخيرة الحمدلله
 
قدر الله ماشاء فعل
مفيش علاقه بين صيانه ال 5000 كم والخبطه ممكن تبتدي باللي انتي عاوزاه
وحضرتك بتقولي انك مأمنه يبقي حرام تعمليها بره
ومدوريش علي اكره الباب لانك مش هتلاقيها بره مع واحد صاحبي مكسوره من شهر ومش لاقينها حتي في التوكيل

zmzm0000 03-05-2012 05:52 PM
رد: أول خبطة للأسف فى عربيتى الاستيب واى ويارب تكون الاخيرة الحمدلله
 
اولا الف سلامه عليكي وعالعربيه فداكي المهم انك بخير
المهم دلوقتي حتروحي تعملي محضر شرطه فهميهم انه عشان التامين قولي مثلا ان العربيه اتخبطت وهي واقفه الصبح وبعدين تطلعي علي شركه التأمين حيعملوا معاينه وبعدين مقايسه مع التوكيل وتتصلح العربيه فالتوكيل علي حسابك او بره فأي مركز صيانه وترجع تاني العربيه شركه التامين تعاين بعد التصليح وتجيبي صوره رسميه من المحضر مختومه وصوره بطاقه وصور لرخصه القياده ورخصه السياره ولازم يكونوا سارين وبعد شهر ولا حاجه تستلمي شيك بمبلغ التصليح بعد خصم الرسوم وقيمه التحمل ان وجدت

eng/walaaeldeen 03-05-2012 07:06 PM
رد: أول خبطة للأسف فى عربيتى الاستيب واى ويارب تكون الاخيرة الحمدلله
 
اقتباس:
المشاركة الأصلية كتبت بواسطة zmzm0000 (المشاركة 664117)
اولا الف سلامه عليكي وعالعربيه فداكي المهم انك بخير
المهم دلوقتي حتروحي تعملي محضر شرطه فهميهم انه عشان التامين قولي مثلا ان العربيه اتخبطت وهي واقفه الصبح وبعدين تطلعي علي شركه التأمين حيعملوا معاينه وبعدين مقايسه مع التوكيل وتتصلح العربيه فالتوكيل علي حسابك او بره فأي مركز صيانه وترجع تاني العربيه شركه التامين تعاين بعد التصليح وتجيبي صوره رسميه من المحضر مختومه وصوره بطاقه وصور لرخصه القياده ورخصه السياره ولازم يكونوا سارين وبعد شهر ولا حاجه تستلمي شيك بمبلغ التصليح بعد خصم الرسوم وقيمه التحمل ان وجدت
السلام عليكم
كلام مظبوط ولا بد من ان تقول انها اتخبطت وهي واقفه ولم أتمكن من رأية الفاعل
والله المستعان

mhamdy75 03-05-2012 09:03 PM
رد: أول خبطة للأسف فى عربيتى الاستيب واى ويارب تكون الاخيرة الحمدلله
 
قدّر الله وماشاء فعل

الحمد لله بسيطة


الساعة الآن 03:13 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017