| nagye |
25-09-2009 01:29 AM |
رد: عايز تدخل مشروع ايجار السيارت
نصيحة لكل الأخوة في المنتدي لا تحاول أن تفتح هذا المشروع بتوسع بناءً علي قروض لأن فيه مخاطر كتير زي مثلاً عربية تعمل حادثة أو تتسرق أو متتأجرش خالص ولاحظوا أن الزيرو قطع غياره غاليه لكن اللي عاوز يشتغل صح لازم يعرف أن المكسب مبيكونش سريع والمشروع محتاج مجهود في الدعاية والتسويق زيه زي أي مشروع يعني الموضوع مش بسيط وكمان يفضل الإيجار لشركات معروفة أو موثوق فيها أو مقاولين بجهات حكومية لأن الإيجار للأفراد فيه مخاطرة عدم رجوع السيارة حتي لو كنت مأمن نفسك ورقياً ممكن العربية تتفكك وتتباع قطع غيار علي أيد لص محترف ومتقدرش توصله بأي شكل لذلك يجب تأمين السيارة بجهاز مراقبة قمر صناعي يحدد مكانها لو مرجعتش وأنا أعرف واحد بعيد عنكم بيته أتخرب بسبب المشروع ده عشان كده المشروع ده فيه مخاطر خلو بالكو وعادة في أي مشروع لازم يكون الإستثمار بنسبة 5-10 % من رأس المال زي البورصة كده يعني وشكراً لحسن أستماعكم.
|
