لماذا السيارات المستعملة افضل خيار في مصر؟ على عكس الراي السائد!!
 

مميزات المستعمل في مصر:

1- سعر اقل
2- سهولة الصيانة في اي مكان خارج التوكيل
3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و
4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات
5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك
6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة
7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو
8- الحسد على ودنه
9- اكثر عرضه للسرقة لانها اكثر قيمة
10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع

مستني ردود يا شباب:fun_36_3_11[1]:

رد: حصريا: لماذا السيارات المستعملة افضل خيار في مصر؟ على عكس الراي السائد!!
 

في ايه يا شباب - الموضوع مش عاجب؟ :070104~242:

رد: حصريا: لماذا السيارات المستعملة افضل خيار في مصر؟ على عكس الراي السائد!!
 

أكيد ك Value for Money

كلامك سليم

بس فيه حاجات لا تقدر بمال

زي إنك تحط المفتاح في عربيتك تدورها و تشوف مشاويرك

إنك عارف تاريخ كل مسمار و جلبة كاوتش في العربية و كل صوت ابتدي أمتي و سببه أيه و هيروح إزاي

وقتك الثمين ميضيعشي عند ميكانيكية و عفشجية و كهربائية لتجديدات العربية االمعتادة

رد: حصريا: لماذا السيارات المستعملة افضل خيار في مصر؟ على عكس الراي السائد!!
 

لما تلاقي ان اغلب العربيات الزيرو في مصر بيظهر فيها عيوب صناعة و اعطال بنسبه لا تقل عن 20% من السيارات المباعة
خصوصا في بعض فئات الصيني و هيونداي
يبقى تجيب زيرو بمبلغ و قدرة و بعدين تلاقي العربية مش عايزة تدور الصبح - شوف احساسك و حرقة الدم بقى - على الاقل لو مستعمل بتبقى متجربة قبل كده و لو انت عملت سرفيس صح العربية حتدور من تكة و لو عطل يبقى عمر افتراضي لقطعه مش عيب تصنيع و مش عارفين العيب فين و التوكيل يدوخك السبع دوخات

رد: حصريا: لماذا السيارات المستعملة افضل خيار في مصر؟ على عكس الراي السائد!!
 

أشارك صاحب الموضوع الرأى ...
و أؤيد وجهة نظره