|
للراغبين .. ملف خاص للكماليات والإكسسوارات... شرح بالصور مع قيمة تقديرية
أحبائى الكرام سلام الله عليكم ورحمته وبركاته ،،، تعودت منذ زمن بعيد أن أكتب وأدون كل ما انوى فعله وإنجازه حتى لا أنسى أو يسقط منى سهوا أى شىء مطلوب.... مؤخرا ، وفقنى الله تعالى فى شراء ساجا أوتوماتيك والحمد لله كانت مصدر سعادة ورضاء وشكر لله وقناعه لا حدود لها .. ومن أجل ذلك قررت كأى شارى لسيارة جديدة أن أزينها وأضع بها الكماليات اللازمة للحفاظ عليها وإطالة عمرها... وبالتالى صنعت لنفسى جدول مفصل لكل ما أريد أن أضعه بسيارتى الساجا حتى لا انسى شىء كالمعتاد ... بعدما إنتهيت من إعداد الجدول .... قررت أن أشارككم ما قمت بعمله من أجل المنفعه والمصلحه العامة للأحباء بمنتدانا الرائع ... الرابط بالاسفل به ملف لكل ما أنوى تركيبه فى سيارتى مع صورة توضيحية للمطلوب وقيمة تقديرية للثمن ... http://www.4shared.com/document/FrtA4lu3/___online.html أرجو منكم التعليق على ما ترونه غير مناسب أو ضار أو عديم الفائدة حتى نستفيد جميعا... شكر خاص لأخى الكريم SALAH HAKIM محمد عبد المجيد الاسكندرية 0116007025 ساجا - أبيض - أوتوماتيك الســـــــــــاجـــــــــ ـا أحلى من كل حاجة |
رد: للراغبين .. ملف خاص للكماليات والإكسسوارات... شرح بالصور مع قيمة تقديرية
السلام عليكم
استاذ محمد اود شكرك على المجهود الرائع وربنا يكفيك شرها ويديك خيرها ويوسع عليك وهى فعلا الساجا عربية جميلة جدا انا كل يوم يزيد اعجابى بيها وياريت صور لعربيتك على الشكل الجديد اخوك السيد من السويس ساجا ابيض اتوماتيك |
رد: للراغبين .. ملف خاص للكماليات والإكسسوارات... شرح بالصور مع قيمة تقديرية
السلام عليكم
ايه ده اييييييييييييه ده انت الى كاتب الكلام ده يامحمد ؟؟؟ انا لازم اقعد معاك على الاقل 3 سنوات عشان اتعلم النظام ده ايه النظام ده اى نعم انت شغال فى شركه كلها تحزيرات وتنبيهات انما النظام ده والدقه دى دى حاجه تتدرس اولا كرسي الاطفال بحوالى 500 الى 1500 لو الكرسى ابو 100 ده ابن ناس هات لى واحد دائر كاوتش حول الاكصدام بيبوظ الاكصدام ولازم تكون العربيه سوده عشان يبقى شكله حلو المعطر الجليد بيركب فى اى هوايه عادى المالتى فانكشن ده اى كلام فى مالتى فانكشن في راديو شاك اشد وبيلقط اسرع ....... انما ايه النظام والدقه دى ربنا يبارك فيك على النصايح القيمه جدا وايه النظام ده (what) |
رد: للراغبين .. ملف خاص للكماليات والإكسسوارات... شرح بالصور مع قيمة تقديرية
-ربنا يديك خيرها ويكفيك شرها
-واحب اشكرك(جزاك الله كل خير) على منفعتك لاخوانك الاعضاء وانا منهم -انا فهمت من الملف ان عربيتك بروتون زكل الموجود كويس جدا ومنافعة كتير طبعا مافيش كماليات او اكسسوارات لها اضرار لانها حاجات اضافية المهم بقى هو ترتيب احتياجك للكماليات دى ابتدى بالاهم فا المهم وربنا وفقك ملحوظة: الاسعار ممتازة جدا ورخيصة |
رد: للراغبين .. ملف خاص للكماليات والإكسسوارات... شرح بالصور مع قيمة تقديرية
اقتباس:
للأسف الملف تم حذفه .. وأرجو منك إعادة رفعه لو أمكن لأني حجزت خلاص ساجا أبيض أوتوماتيك برضه وهستلمها قريب ان شاء الله وهي أول عربية ليا مركبتش قبلها حاجة.. أخبار العربية معاك ايه دلوقتي ؟؟ شكرا جزيلا |
| الساعة الآن 03:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017