مصر موتورز مجتمع السيارات - سال وهتلاقى المتخصص الى هيجاوبك عن سوالك فى بيجــو

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

رد: سال وهتلاقى المتخصص الى هيجاوبك عن سوالك فى بيجــو

السلام عليكم
(بيجو 405 برستيج 1999)
انا عندى العربية بتنقط مياه و كل ما ازود الرادياتير الاقى المياه فى الارض
التنقيط مش عارف منين بالضبط بسبب المصفح بس غالبا الرادياتير مش مخروم

و لاحظت انى بازود المياه و الموتور شغال و العربية سخنة بس المياه مش بتتحرك و ده ممكن يكون معناه ان طلمبة المياه مش شغالة؟

برجاء توضيح سعر طلمبة المياه و وصلات المياه اللى تحت الموتور

خاصة انى راكن العربية عشان الناس كلها اجازة

رد: سال وهتلاقى المتخصص الى هيجاوبك عن سوالك فى بيجــو

السلام عليكم
الله ينور يا باشمهندس وربنا يجعله في ميزان حسناتك
معايا بيجو 307 فيها مشكله كبيره وخايف من حلها
العربيه في وحده تقريبا اسمها PSI ودي لاقيتها مكسوره وملحومه قبل كده
المهم العربيه مش عايزه تدور وديتها الحرفيين قالولي لازم تغير مجموعه دواره كامله
هل الكلام ده صح ؟ ومجموعه الدواره دي بتتكون من ايه ؟ وهل فعلا مش لازم اروح التوكيل عشان الشفره بتاعت المفتاح ؟ ولو فيها رخامه ممكن اعرف هتتكلف كام ؟ مع العلم انها 2007
وجزاك الله كل خير

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة m2rizk (المشاركة 409454)

يفضل نبص على العربية الاول علشان نعرف التنقيط منين بالظبط..... وبالنسبة للاسعار الطلمبة بحوالى 550 والخراطيم لازم بالشكل

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة mahmoudnada80 (المشاركة 411435)

أولا مش مشكلة كبيرة ولا حاجة بالنسبة للـــ BSI لازم تتغير مدام مكسورة لو هتغيرها استيراد يبقى لازم تجيب معاها طقم دوارة كامل من نفس العربية الى هو BSI وكنترول محرك وشريحة مفتاح..... بالنسبة لبرمجة المفتاح لو المفتاح جديد ممكن تبرمجو عند اى بتاع مفاتيح بس يستحسن تيجى التوكيل علشان لو متبرمجش اعملهولك.. ولو عايز تيجى وتنورنا انا ممكن اغيرلك ال BSI جديدة وهتكلف حوالى 3750 وممكن اقل ويستحسن فى المشاكل الى زى دى تروح توكيل معتمد علشان الواحد والله بيشوف بلاوى بسبب الموضوع دة وانا تحت امرك

رد: سال وهتلاقى المتخصص الى هيجاوبك عن سوالك فى بيجــو

الف شكر يا باشمهندس وربنا يجعله في ميزان حسناتك
بالنسبه لل 605 في منها موتور 2000 سي سي بنزين تربو
هل التربو بتاعها موجود في التوكيل جديد
وملعيش لو فيها رخامه هل اطار الزجاج الامامي بتاعها موجود في التوكيل عندكوا لاني سألت في مودرن سيرفيس لانه الاقرب ليا قالولي انه مش موجود و ضربه رقم خيالي لو عايزه مخصوص
وفياريت لو هو موجود اعرف سعره عشان المشوار كبير عليا شويه