المشاركة الأصلية كتبت بواسطة hisam2010 (المشاركة 326076)

>>>>بالنسبة للاختلافات الشكلية تقريبا كلو واحد
وبنلخصهم فى نوعين:
فتيس موديل جديد وفتيس موديل قديم والفرق بينهم فى بعض الحساسات واماكنهم وتفعيلهم (يعنى ممكن تلاقى حساس ملغى وفى الموديل التانى شغال كدة يعنى)
>>>>بالنسبة للكفاءة واحدة
>>>> وطبعا كل ما كان موديل العربية اعلى كل ماكان افضل ............ ولكن للاسف ما زالت مشكلة الفتيس مستمرة حتى فى موديل 2006 وبالذات من النقلة الاولى للتانية ولكن احيانا بتتحل.

المشاركة الأصلية كتبت بواسطة AMMODY (المشاركة 326377)

الف شكر ها هندسة على ردك

طيب راي حضرتك اكمل تدوير في الـ 406
ولا أحول اتجاهي إلى 307 الشكل الجديد

وشكرا يا هندسة

المشاركة الأصلية كتبت بواسطة AMMODY (المشاركة 327206)

بصراحة يا هندسة أنا ميال أكتر للـ 406 (( حاجة رجالي كدة ))4BY4 وخصوصا إن معايا 405 بقالها 3 سنين اسد ما شاء الله
بس سؤال تاني واسف على الصداع الأنا عاملهولك

من واقع خبرة حضرتك لو أنا جبت 406 موديل 2003 -2004 إيه أهم الحاجات اللازم أكشف عليها وأكد عليهم في التوكيل يراجعوها
وهل ليها أعطال مشهورة غير الفتيس و الفتيس اخره ايه ( سوفت وير وبلوف وحساسات) ولا المشاكل بتتفاقم كل شوية

وشكرا ليك يا هندسة

المشاركة الأصلية كتبت بواسطة hisam2010 (المشاركة 327813)

أولا انت تأمر مفيش صداع ولا حاجة......
أول حاجة (غير الفتيس) بص على الموتور حالة عاملة ايه ..والعفشة ..والشاسية ... واخيرا التكيف.غير كدة ولا يهمك.
بالنسبة للفتيس ممكن لو المشكلة كبيرة بيتغير فتيس كامل استيراد وبيتكلف حوالى 8 الاف.