|
تجربتى مع زيت التعاون الاصفر XPL-SM بالصور واسعار زيوت التعاون
السلام عليكم ورحمة الله وبركاته النهارده روحت غيرت زيت العربيه من التعاون سوبر ستان 1000 كيلو الى زيت التعاون الاصفر XPL-SM 7000 كيلو http://www10.0zz0.com/2012/06/10/21/239435279.jpg وزى ما هو باين ان اداء الزيت عالى جدا اعلى من زيت شل هيليكس الاصفر 5000 كيلو و زيت موبيل XHP والزيت طبعا متعدد الدرجات 20-50 وطبعا انا من الناس اللى بثق فى زيوت التعاون ثقه عمياء فعلا زيوت تستحق التجربه وعموما من خلال تجربتى معاه نقدر نقول فوائده كالتالى:- 1:صوت منخفض تماما لماتور ال 128 بتاعتى رغم استعمالى بنزين 80 ورغم ضوضاء المحرك نفسه الغنية عن التعريف (كل واحد يركب معايا ويسمع صوت الماتور يقول بسم الله ماشاء الله الماتور مالوش صوت ) 2:اختفاء لخشونة الصوت اثناء العمل بطريقه سحرية (والله ساعات يبقى الماتور شغال وانا واقف فى اشارة وافتكر انه اطفى واجى ادور الاقيه شغال اصلا) (مع العلم كل تجاربى السابقه مع اغلب زيوت التعاون اللى اتعاملت معاها (زيت التعاون الاحمر - زيت التعاون البرتقالى - زيت التعاون الاصفر اللى انا بجربه دلوقت) 3:الماتور سحبة اتحسن عن الاول بسبب ان الزيت اللى استخدمته المره ديه متعدد الدرجات بخلاف الزيوت اللى كنت بستخدمها قبل كدا كانت احادية الدرجه 50 4:السعر الرخيص والمناسب لمنتجات التعاون عموما (هذكر اسعار المنتجات بعدين ان شاء الله) 5:يجمع ما بين العر المناسب والاداء العالى 6:تشجيع الصناعه الوطنيه وعلى فكره الزيت لما روحت اشتريته اشتريته من بنزينة التعاون اللى فى مصر القديمه وخدمة تغير الزيت فيها من خلال تقيمى انا كويس اديها مثالا 8/10 وكان معاه هدية ميدلية مفاتيح جميلة جدااا بصراحه وعليها شعار التعاون اليكم الصور ديه صورة علبة الزيت وزى ما انتم شايفين العلبة متبرشمه كويس ازاى وتاريخ الانتاج لسه جديد الى حد ما http://www10.0zz0.com/2012/06/10/21/239435279.jpg ودية الميدلية الهدية وموجوده جوة البرشام اللى متغلف بيه العلبة كلها بطريقة محكمة منعا لاى تلاعب http://www10.0zz0.com/2012/06/10/21/168615976.jpg ودية الميدلية بعد ما فكينا البرشام البلاستيك من على الجركن بتاع الزيت (عجبانى جدا بصراحه) http://www10.0zz0.com/2012/06/10/21/109446044.jpg وديه اثناء وضع الزيت فى المحرك http://www10.0zz0.com/2012/06/10/21/425216392.jpg وسعر الزيت ده 107 جنية بالتغير سعر ممتاز جدا بالنسبه لزيت نصف تخليقى يقدر يستحمل شغل 7000 كيلو بصراحه اكثر من ممتاز فعلا نقدر نقول بحسبة بسيطه ان كل 1000 كيلو هتصرف عليه زيت 15 جنية فقط وبالنسبه لاسعار زيوت التعاون 1:زيت التعاون الاحمر 1000 كيلو (غير متوافر اداء للمحركات البنزين) مع العلم شغال كويس مع العربيات القديمة ولا انصح به للحديث ب 55 جنية 2: زيت التعاون البرتقالى 2000 كيلو اداء SF ب 60 جنية http://www.coop.com.eg/Photo/Superex1000Small.jpg 3:زيت التعاون الاصفر 5000 كيلو اداء SL ب90 جنية http://www.coop.com.eg/Photo/XPL.jpg 4:زيت التعاون الاصفر (اللى انا اشتريته ) 7000 كيلو اداء SM ب 102 جنية http://www.coop.com.eg/Photo/XPL-sm.jpg و السلام عليكم ورحمة الله وبركاته |
رد: تجربتى مع زيت التعاون الاصفر XPL-SM بالصور واسعار زيوت التعاون
جزاك الله خيراً أستاذ سيد على ما تقدمة لنا وكالعادة موضوع رائع كباقى المواضيع
انا حاليا بستعمل موبيل XHP وسعرة تقريبا 130 جنية مش فاكر فانا حاليا عايز اغير للزيت الى حضرتك بتتكلم علية اية الخطوات اللى اعملها قبل وضعة بحكم إنى كنت بستعمل موبيل علشان سمعت من بعض الناس إنى لازم انظف مكان الزيت القديم الاول فهل هذا الكلام صحيح أم لا وجزاك الله خيراً |
رد: تجربتى مع زيت التعاون الاصفر XPL-SM بالصور واسعار زيوت التعاون
اقتباس:
لاء مفيش اى حاجه تعملها لو حبيت تحط الزيت اللى انا حطيته غير بس يفضل انك تغير فلتر الزيت بالمره يستحسن ذلك يعنى وفعلا موبيل XHP او شل هيليكس بجد غاليين على الفاضى مع ان عندنا منتج كفائته اكثر من ممتازة بل مستواه اعلى من الموبيل والشل وفى نفس الوقت سعره اقل بكتتير فكل اللى حضرتك هتعمله ان شاء الله لما تيجى تغير الزيت هتجيب فلتر زيت وتطلع بيه على اى بنزينه تعاون فيها تغير زيوت وتشترى الزيت اللى تختاره وتخليه يغيرهولك وهتكون التكلفه كالاتى فلتر زيت 15 جنية والزيت 100 وتغير الزيت وتركيب الفلتر 7 جنية وتقعد الزيت معاك 7000 مستريح وان شاء الله هيعجبك فعلا وكفاية اننا بنشجع منتج وطنى مش بنشترى منتج اجنبى |
رد: تجربتى مع زيت التعاون الاصفر XPL-SM بالصور واسعار زيوت التعاون
والله كلام جميل جدا وانا مقتنع بية لكن المره الاخيرة بعد ما شفت ان المهندس سمير عياد بيستخدم زيوت التعاون قررت لثقتي فية اني اغير لزيوت التعاون لكن لما رحت المحل الى بتعامل معاه الراجل الى هناك قال لى ان زيت التعاون اس ال بيستخدم الف كيلو بس ؟ وكان سعرة 93 جنية
طيب حضرتك ممكن نتأكد ازاى من ان الزيت دة مثلا بيعمل 3 الالاف او 5 الالاف هل فى حاجة بتحدد الموضوع دة ؟ |
رد: تجربتى مع زيت التعاون الاصفر XPL-SM بالصور واسعار زيوت التعاون
مشكور جدا جدا
معلومات مهمة وجميلة بس انا رأيى الشخصى انى اغير كل 1000 او 2000 مش اكثر علشان اطمن على الموتور واللى بيجراله جوه انما 7000 ما اقدرش أغيب عنه اكثر من كده مهما كان الزيت نظيف وشكرا ليك |
| الساعة الآن 09:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017