مصر موتورز مجتمع السيارات - سحب العربية ضعف و صوت الموتور عالى بعد صيانة 40000كم

السلام عليكم . معايا عربية نيو اكسنت مانوال عملت صيانة 40000 كم فى توكيل غبور يوم 31 / 1 / 2018 كانت العربية سحبها زى الفل و كان السحب زى ما بيقول كتالوج العربية كنت اغير من التانى للثالث لما يوصل العداد 40 و كان عداد الآربى ميعديش 2 بعد الصيانة غيرلى البوجيهات و تنظيف دورة بنزين و تنظيف دورة المياه و زيت الفتيس و فلتر الهوا و فلتر البنزين . و الكوتشات الأربعه
الآن صوت الموتور عالى + ان السرعة مقدرش أوصل 40 و انا على الغيار الثانى غير لما الصوت بتاع الموتور يعلى و الآربى يعدى 2 و يقترب من 3 و قبل الصيانة كان سحب العربية و صوت الموتور هادى و كنت انقل للثالث عند 40 بسهولة بدون ما يعلى صوت الموتور ولا الآربى . و أصبح فية زنة سامعها فى تابلوه العربية فى الفبر
يا ترى السبب البوجيهات وحشة ولا فيه سبب تانى
شكرا
طبعا المشكله دى حسيت بيها و انا طالع من التوكيل مش بعد فترة بس كان الساعه 5 خلاص و انا مسافر مفيش وقت