|
ياريت مساعده .. تظبيط لانسر 2009
السلام عليكم
انا يا جماعه محتار جدااا ومحتاج مساعدتكم انا معايا لانسر بومه 2009 1600 اسود وكنت عايز اضبطها .. بس تظبيط خفيف بحيث اني مش العب في الفابريقه بتاعتها فانتوا رايكوا اعمل فيها ايه وفين وبكام ؟؟ وانا كمان عايز افرش فعاوز اعرف احسن فرش موجود هيبقي عامل في حدود كام ؟ وبرده في دماغي اركب زينون و اشبر الفوانيس ... فدول هيبقوا مخالفين للمرور ولا ايه ؟؟ وايه الحل ؟؟ وياريت لو حد من الزقازيق يقولي ايه رايه في المحلات اللي في الزقازيق زي الزعيم و يا تري المحلات دي حلوه ولا ايه ؟؟وحد اتعامل معاهم قبل كده ولا ايه ؟؟ لاني مش هينفع انزل الحرفيين اليومين دول خااااالص وكمان مكسل ياريت اللي يقدر يفيدني في الموضوع ده يقولي ... لاني ابيض خاااااالص<!-- google_ad_section_end --> |
رد: ياريت مساعده .. تظبيط لانسر 2009
التظبيطات اللى مش هتأثر على الفابريكا كالتالى الفرش الداخلى والصالون (اكسسوارات - فرش - عدادات - اضائات اضافية) التعديلات الخارجية بودى كيت (عتب - وكساحات كاوتش فقط بالاضافة للاكصدامات او اكصدمات كاملة) زينون - فوج لايتس جنوط سبور وستيكرز وفاميه وتظليل للفوانيس وممكن تغيير لون الشبكة :THUMBS~220: وهتلاقى نمازج تعديل كتير فى اقسام التعديل وقسم المتسوبيشى وبالنسبة للحاجات ديه فانا اعرف فى القاهرة بس للاسف بالنسبة للزينون هو دلوقتى بقى مخالف ptmnlo123per169 بس فيه ناس بتركب العالى فقط وتسيب الواطى بطبيعتة ومحدش هيشغل العالى وهو داخل على لجنة طبعاً واذا رايح يرخص او يجدد فى المرور يعمل حسابة فى اتنين كيلو كوسة وهو رايح وكله ماشى :1336: |
رد: ياريت مساعده .. تظبيط لانسر 2009
اقتباس:
الف شكر ع الرد والاهتمام بس معلش ممكن تقولي الحاجات دي ايه ؟؟ وايه يا تري الاضافات الداخليه اللي ممكن اركبها وايه الاضاءات الاضافيه وكنا سمعت ان تلوين ( تشبير ) الفوانيس مخالف فالكلام ده صح ولا ايه ؟؟ ومعلش بتعبك معايا |
رد: ياريت مساعده .. تظبيط لانسر 2009
البودى كيت عبارة عن العتب الفيبر والكصدمات والكساحات الامامية والخفية
فوج لايتس (فوانيس شبورة) تغيير لون الشبكة بيتم بفكها وطلائها او لزق استيكر عليها بالنسبة للتشبير لو باتسيكر من برة بيبقى مخالف وخاصة لو اللون غامق وظاهر لو فامية خفيف مش بيبان الا الصبح وبيبان عادى بليل المشكلة ان التشبير من برة هيقلل اضائة الفوانيس بشكل كبير الافضل انك تغير الفوانيس بفوانيس بتبقى خلفيتها غامقة وهى بتيجى كده وفيه ناس بتفكر وترش بس معرفش بيبقى شكلها ايه اللى شوفتة فوانيس جاهزة بدل ما بيبقى ارضية الفانوس ميتاليك فضى لامع بيبقى رمادى او اسود زى اللى فى الصورة http://www.xtralights.com/ProductIma...LAN03HJMKS.gif http://www.eautoworks.com/images/350...03-PBC-R-A.jpg |
| الساعة الآن 11:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017