|
طقم الشنبر؟ ما الادوات والعدد والحاجيات وقطع الغيار المطلوبة؟
حد يعرف ايه خطوات عمل طقم الشنبر؟
الخطوات مرتبة بشكل بسيط والادوات والحاجيات اللى احتاجها لعربية 128/1300cc لانى ناوى اعمله بنفسى مستقبلا ومش هروح لميكانيكى هروح لخراط ماشى لكن عايز اعمل كل شىء بنفسى ومستعد للمجازفة بالوقت والمال بس هعمله بنفسى ياريت اللى يعرف يقول معلومات واضحة تفيد وايه دور الخراط لو موجود فى شغل الشنبر ونصايحكم واللازم وشكرا |
رد: طقم الشنبر؟ ما الادوات والعدد والحاجيات وقطع الغيار المطلوبة؟
ولا حاجة يباشا مش هتحتاج للخراط غير انه بيفك الوش وبيغير طقم كاوتش الصباب وينضف الصبابات ويعملها روديه
ولو فيه سبيكة مجلخة بيريحها بعدين تركب الشنبر بالزرجينة وفى فديوهات كتييير اوى فى الموضوع ده زرجينة الصبابات ب 30 جنيه وزرجينة الشنبر ب15جنيه كمان هتحتاج معجون روديه ناعم وخشن فرشة سلك لتنضيف الكربون من على غرف الحريق ووش البستم جوانات واويل سيل الكامة بالمرة مع تغيير سير الكاتينة |
رد: طقم الشنبر؟ ما الادوات والعدد والحاجيات وقطع الغيار المطلوبة؟
عاجز عن الشكر تقبل فائق وعميق تقديرى :GROWIN~12::GROWIN~12: |
رد: طقم الشنبر؟ ما الادوات والعدد والحاجيات وقطع الغيار المطلوبة؟
لو عاوز تعرف الخطوات انا تحت امرك
بس نتاكد الاول ان الموضوع طقم شنبر بس ودة بتحسة من صوت المكنة يبقى انت ما فيش ترزيع فى ماتورك وما فيش اى حاجة بتشتكى منها غير " خروج دخان كثيف من خرطوم الفايظ" والجملة دى اللى هانبنى عليها الشرح فية طريقتين لعمل طقم الشنبر الطريقة الاولى ودى بيستخدموها سواقين التاكسى بيعملو طقم الشنبر بالمقلوب يعنى البستم بيركب من تحت عند الكرتيرة ودة اختصار للوقت وبيكون متاكد ان الشميز عندة سليم اما الطريقة التانية هى اننا نفك الموتور برة العربية انا دلوقتى افتكرت انى عامل موضوع للعمرة الكاملة هاشوفلك رابط للموضوع |
رد: طقم الشنبر؟ ما الادوات والعدد والحاجيات وقطع الغيار المطلوبة؟
الهولندى الطائر
تحياتى وإحترامى شكر وتقدير |
| الساعة الآن 07:44 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017