صوت ونه فى فتيس الانسر بومة لوسمحت لوعندك اجابه ترد
 

أرجو من الأحباء أهل الخبرة النصيحه -- بسمع صوت من الفتيس (بومه 2007)أوتوماتيك عباره عن (ون ن ن ن ن )وهو ساعات يروح وفى الغالب موجود رحت لميكانيكى أكدلى انه عادى بس أنا مش مطمئن والصوت يأتى بعد الدوران والمشى وغير موجود أثناء الوقوف وخايف أفتح الفتيس _____ من القراءة فى الموقع فى صيانة الفتيس ضرورة تنظيف فلتر الفتيس فهل يكون الصوت ده منه؟ وهل مفيش قلق من فتحه؟ آسف للاطاله وياريت الأستشارة

رد: لوسمحت ممكن لوعندك اجابه ترد
 

اخى الكريم
ياريت التوضيح حول حالة زيت الفتيس وتم السير علية كام كيلو
اما بخصوص الفلتر اعتقد انة لايوجد فلتر داخل الفتيس . فقط طبة زيت الفتيس تحتوى على مغناطيس لتجميع الرايش الناتج من احتكاك التروس
وفى انتظار راى الخبراء
وتقبل مرورى

رد: صوت ونه فى فتيس الانسر بومة لوسمحت لوعندك اجابه ترد
 

ألف شكر أخى العزيز على مرورك وبصراحه مكنتش ناوى أدخل الموقع تانى علشان دايما الخبراء هنا يبخلون بالرد على (بعض)الأعضاء ولكن سوف أحكى لك ماحدث ولكل الباحثيين على نفس المشكلة لتعم الفائدة والثواب من عند الله
1 - عرضت المشكلة فى منتدى الصيانه فلم يرد أحد.
2- قلت مبدهاش بقى ذهبت للتوكيل(العدوى طريق المنصورة المحله)وهى ناس محترمه وقام المهندس بتجربة السيارة على الطريق وقال فى الغالب هتحتاج عمرة فتيس (قلبى طب وانا عندى الضغط اصلا)طب دى هتتكلف كام قال حوالى 6500 ج يانهار اس اس
3- اتصلت بأخى(خبرة فى التعامل مع التوكيلات)وقال لى لاتعملها فى التوكيل التوكيل بيريح دماغه والكمبيوتر قال عمرة فتيس حتى لو فيه حاجه بسيطه لازم يغيروا كل حاجه تقريبا
4- ذهبت لخبير الفتيس فى المنصورة (محمد على)وبعد الكشف قال فى بليه عندك ممكن تفرط فى أى وقت وهى اللى عامله الخشونه والصوت واذا فرطت هتبهدل الفتيس وتدخل فى فتيس جديد والحل نفتح الآن ونصلح
5- تم فتح الفتيس وقام بتغيير 2 بليه
6- راح الصوت وبقت بفضل الله تمام
7- 2 بلى 400 ج+250 ج مصنعيه315 عدد9 ك زيت(فتيس الأوتو عند التغيير ياخد6 ك ولكن عند حل الفتيس بياخد 9 ك)(الا شويه علشان لما رجعت والصبح بقيس الزيت لقيته زايد)
+15 ج سيلكون وبنزين نظافه+20 دخان(بصراحه كنت عاوز ادفع اكتر لأنهم تعبوا فعلا)كله 1000 ج
8- التوكيل خد كشف كمبيوتر 50 ج(كل حته فى العربيه ب50 ج)بس خلانى اجرى اشوف حل من القلق اللى سببهولى
9- طبعا أخى الكريم فى فلتر فى الفتيس وتم تنظيفه
10- عايز دلوقتى أسأل هل زيادة زيت الفتيس يسبب مشكله؟وطبعا لأن خبراء المنتدى بيردوا على الحبايب بس فاتصلت ب الأخ اللى عمل الشغل فقال لاتقلق سوف يخرج من الفايظ
11- سؤال تانى عند p فى تعليق فى اضائتها العاصيه لاتصل للتهايه ويحصل التعليق وكمان ds و l أصبحا حركتهما صعبه شويه(مش عارف فى خطورة فى كده ولا لأ)
12- بالنسبه لزياده زيت الفتيس نويت أشفط شويه(عند واحد بتاع بطاريات بالشفاط اللى بيقيس بيه البطايه)
13- الصدقه الجاريه هى كل شئ يستفيد به الانسان من الآخرلأن الباحث عن حل لمشكلة يدعو لمن دله على الطريق وكفايه أوى الدعوه ---- مرة تانيه ألف شكروجزاك الله خيرا ahany

رد: صوت ونه فى فتيس الانسر بومة لوسمحت لوعندك اجابه ترد
 

لأ النقطة دى ياباشا ماعندكش حق فيها
الخبراء هنا فى المنتدى مابيبخلوووش فى الرد على حد خااااااااالص مهما كانت عضويتة
دة فى ناس بتدخل تعمل عضوية جديدة عشان يسئل على حاجة بس وبيبقى مكتوب فى مشاركاتة عدد 1 مشاركة اللى هى بتبقى سؤالة
وبالرغم من كدة بيلاقى بدل الرد 10

هو تلاقى حضرتك بس كتبت الموضوع وسيبتة من غير متابعة وانتظرت الرد
ابقى بعد كدة اما تعمل موضوع تابعة برد كل فترة بحيث انة لما يتشال من اول صفحة بتاعة المنتدى يرجع تانى وتلاقى الخبير اللى يرد عليك ويفيدك بأذن الله

وعلى العموم الف مبروووك ياباشا على التصليح وربنا يديك خيرها ويكفيك شرها

رد: صوت ونه فى فتيس الانسر بومة لوسمحت لوعندك اجابه ترد
 

الف شكر على اهتمامك بس الحكاية دى حصلت معايا أكثر من مرة وببقى (مزنوووووق)فى أى مشورة أمشى عليها لأن ساعات بتبقى شاكك فى حاجه وتطلع حاجه تانيه خالص وعلى فكرة عملت اللى انت قلت عليه وبرضه لم أجد رد /وخلى بالك انى برضه مقدرتش ابعد عن الدخول للمنتدى لأنه فعلا كله ناس محترمه والمسامح كريم ومرة ثانية شكرا وجزاك الله خيراvanditta