أفضل شركة للتأمين لكيا ريو 2013؟
 

السلام عليكم
أولا أحب أشكر أعضاء المنتدى الكرام على المواضيع الرائعة في المنتدى و اللي ساعدتني على الاختيار
و الاختيار - بعد توفيق من ربنا - كان كيا ريو 2013 توكيل و كنت عايز أأمن عليها فايه أحسن شركة للتأمين بالنسبة للزيرو؟

و شكرا مرة أخرى للأعضاء على مجهوداتهم

رد: أفضل شركة للتأمين لكيا ريو 2013؟
 

السلام عليكم الف مبروك على السياره

افضل شركه ليك قناه السويس للتامين الاسباب
قناه السويس تمتلك مركز صيانه 8000 م معتمد كيا بتصلح فيه من غير ما تدفع فلوس
غير ان استهلاك قطع الغيار فى اى شركه 10% الا قناه السويس 3% فقط

غير انك مش بتعمل اى اجراءات فى التعويض ولا بتنقل الاشياء التالفه لمقر الشركه

كل الى بتعمل بتسلم مفتاح و تستلم مفتاح و مش انت الى بتحاسب على اصلاح السياره غير انه معتمد كيا

رد: أفضل شركة للتأمين لكيا ريو 2013؟
 

ياريت تكتبلنا سعر السياره علشان نحدد لحضرتك القسط الخاص بك و المزايا الخاصه للشركات

رد: أفضل شركة للتأمين لكيا ريو 2013؟
 

انا استقريت زيك على ريو و بفكر فى قناة السويس
كلمتهم النهاردة الصبح. طبعا كان فى كلام مش مقنع زى اى حد عايز يبيع
و اللى رد قالى انت بترجع التالف و دة اللى لفت انتباهى فى الكلام المكتوب
ممكن مقصود مش هترجع التالف عشان هتصلح عندهم مع ان اللى رد عليا قالى بالظبط كدة " عربية زى دى اعتقد انك هتصلح فى التوكيل"
و متكلمش عن مركز الصيانة بتاعهم غير لما سألته

رد: أفضل شركة للتأمين لكيا ريو 2013؟
 

السلام عليكم بص يا باشا اى شركه هاتاخد التالف لان مادام الشركه عوضتلك و ادتك رفرف مثلا يبقى من حقها القديم و ده نظام تامين على جميع شركات مصر

لكن لو هاتتعامل مع قناه السويس لصيانه السيارت مش هاتشيل تالف ولا هاتعمل مقايسه اصلاح ولا معاينه قبل او بعد مااا السبب فى هذا ؟
لان المركز مللك قناه السويس للتامين و يتم انهاء الحسابات الماليه و تسليم التالف و جميع اجراءات السياره داخليا و تسويه الملف و كل شىء بشكل تلقائى لا يحتاج متابعه منك

غير ان فى ميزه مهمه جداااا نسبه الاهلاك لقطع الغيار و دى مكلفه جداا وقت الحادث و اقل نسبه فى مصر و خاصه لمركز الشركه فقط لا غير و هى 3% باثتثناء الكاوتش و البطاريه 15% مهما كان سنه صنع السياره

اتمنى انى اكون وضحت شكرا لقراءتك