|
ارجوا المساعدة
اخواني عايز اشتري عربية في رنج 35 قرأت كتير لما تعبت مع العلم ان مشاوري هتبقى خفيفه لاني عندي محل ربطني شوية وهجيب فيها طلبات محلي وملخص الي حصل معايا
لادا\مبحبش شكلها ومش شبابي وخشنة ماروتي\قالو ضعيفة ولو ركبت حد ورا تخين هحك في كل مطب فليشيا\ خوفوني من قطع غيارها وقرات علي النت انها بتسخن سوزوكي فان\وقلت اهوا اشغلها وتزود دخلي لان دخلي بسيط والحمد لله وهي تبقى اسرية لانها 7راكب كتير خوفني من مشكلها مع المرور لانها مشبوهه لانها بتشتغل اجرة قلت امري لله اجيب حاجة غير التناية(السزوكي فان) كيا برايد العصفورة\ الناس بتشكر فيها وفي قطع غيارها بس كوري صاج ضعيف وقطع غيار رخيصا مناسبة لظروفي وبنزين 80 بس شكلها مش عجبني حابب الكورسا عنها اوبل كورسا 95 هاتش باك\ الناس بتشكر فيها وعجبني شكلها جدا بس قرأت ان الالماني قطع غياره غالية بس معمر وبنزين 92 ومش اي صنيعي يشتغل في. اسف على الاطالة بس انا في حيرة وخايف اجيب حاجة وتتعبني وزي مقلتلكم دخلي بسيط جدا لدرجة ان ممكن البنزين 92 يكون غالي عليها حبة بس ربنا كرمني بالمبلغ ده وحابب اجيب عربية تبقى تحت ايدي وزوج اختي دي شغلتة بيع وشراء السيارات وهوا فاهم فيهم بس انا حابب انكم تفيدوني لانكم اهل علم ومثقفين ومجربين وجزاكم الله خير. |
رد: ارجوا المساعدة
والله أنا رأيي إنك ما تركبش عربيه أساسا ..مش عارف أقول لحضرتك إيه ..ده اللي رايح يشتري عربيه زيرو ما بيلاقيش فيها كل حاجه ..وبيشتري في حاجات وبيتنازل عن حاجات ..حضرتك رايح تشتري عربيه إستعمال وعايز فيها كل حاجه ..قطع غيار رخيصه ..قويه ..سريعه ..ناعمه ..عاليه ..شياله ..طيب هتلاقي كل ده في عربيه واحده إزاي ..لو لقيت عربيه تضم كل مواصفاتك وفي حدود المبلغ اللي حضرتك بتقول عليه ده قولي .عشان أعمل زيك ..
|
رد: ارجوا المساعدة
طب براحة عليا دنا اسكندراني زيك انا مقلتش كدا انا كتبت كل ده عشان اسهل الموضوع عليكوا مش اكتر
|
رد: ارجوا المساعدة
أولا آسف على التأخير عليك في الرد ..ثانيا ..في مثل أمريكي بيقولك إيه.. I'm not rich to paid in used car ..يعني من الآخر ..لو عايز عربيه ما تزورش الميكانيكي غير عشان غيار الزيت وتمشي لمدة خمس سنين ..يبقى خليك في الزيرو ..وحتى دي برضه أرزاق ..ياما ناس جابت زيرو ..وطلع فيه مشاكل ..والتوكيل قارفهم آخر قرف ..نيجي بقى للظروف اللي بتحكم الموقف ..وهو المبلغ اللي حضرتك بتتصرف في حدوده ..أنا عايز أقول لحضرتك إن أكيد متطلبات حضرتك مش متساويه ..يعني اكيد في حاجه أهم من حاجه ..بمعنى ..إن أكيد في أولويه لحاجه عن حاجه ..يعني مثلا واحد يقولك أهم حاجه عندي قطع غيار رخيصه ..مش مهم ناعمه أو تقيلة ..واحد تاني يقول لأ ..أنا أهم حاجه عندي تكون ناعمه وسهلة في أبعادها ..عشان المدام كمان هتسوق معايا ..واحد تاني يقولك لأ ..أهم حاجه عندي تكون شاسيه عفي يشيل ..بصرف النظر عن قطع الغيار والنعومة ..أو واحد تاني يقول مثلا تكون شياله وناعمه ..ومش مهم قطع الغيار مقدور عليها ..اللي عايز أقوله لحضرتك إنك لازم تضيق نطاق المتطلبات شوية عشان نقدر نحصرلك حاجه توصلك للي إنت عايزه ..وأخيرا ..هي أرزاق ..أنا شفت واحد دافع 150 الف جنيه في عربيه ..وعمل بيها حادثه عشان الفرامل ما شتغلتش في موقف معين ..وناس راكبين عربيات بخمس تلاف جنيه ..وعايشه معاهم عيشة الغلابه ..وما بتقولش لأ ..أهم حاجه توكل على الله ..وخد بالأسباب ..وربنا يقدرلك الخير
|
رد: ارجوا المساعدة
وفى مثل بيقول old is gold
الكورسا حاجتها مش غالية وبتمشى بنزين 80 لان الموتور تكنولوجيا قديمة |
| الساعة الآن 11:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017