رد: خايفة اوى من السواقة
 

الف مبروك وعقبال ما نشجعك فى رالى الفراعنة
اهم حاجة التزمى بالحارة المخصصة لسرعتك يعنى لو على المحور ما تمشيش على 50 وانت فى الحارة اللى على الشمال بالله عليكى
وربنا يديكى خير عربيتك ويكفيكى شرها

رد: خايفة اوى من السواقة
 

بصى حضرتك اللى بتقوليه ده عادى جدا والله وده هيخليكى حريصة فى سواقتك ومش متهوة والكل كان كده فى الأول انا برده لما جبت العربية فضلت اخلى حد يسوق لى ومرضتش اسوق وكنت خايفة جدا جدا يمكن مرعوبة وعندى فوبيا انى هعمل حادثة وكده وبعدين شفت اصحابى لسة بيسوقوا جديد وعادى قلت انا مش اقل منهم وطلعت لوحدى بس بجد هقولك اللى عملته اولا سمى بالله وانت بتركبى وبعدين قولى دعاء الركوب والله هيطمنك قوى ودعاء " اللهم انى اعوذ بك ان اذل أو أذل او اضل أو اضل او اجهل او يجهل على " بجد ألا بذكر الله تطمئن القلوب ... وخليكى هادية وملكيش دعوة بأى حد يبصلك او يضايقك وا يزملر لك علشان تجرى .. خالص طول مانت ماشية عاليمين ولا يهمك ومتركزيش غير فى طريقك .. وانزلى فى وقت فاضى فى الاول وواحدة واحدة انزلى شوارع تانية فيها عربيات
والعربية اتخبطت ده عادى ده نصيب والله والحمد لله اخدت العين وخلاص انا عربيتى اتخبطت كذا مرة والحمد لله ولا مرة كنت انا اللى سايقة تخيلى :balloons71: مش علشان شطارتى لا اللى كان سايق بيسوق اشطر منى بس والله ماليها علاقة بالشطارة ده نصيب .. وربنا يككفيك شرها يارب

رد: خايفة اوى من السواقة
 

رد: خايفة اوى من السواقة
 

* اولا الف مبروك على العربيه الجديده وربنا يديكى خيرها ويكفيكى شرها
* ثانيا حاولى تنزلى بالعربيه فى يوم فاضى زى الجمعه مثلا بس يكون بدرى حوالى الساعه سابعه ولفى بيها جنب البيت لمدة ساعتين وكام مره كده وتتعودى على الطريق وقلبك يجمد انا كنت بعمل كده اول ما جبت عربيتى لحد ما اخذت الجراه ودلوقتى بسافر بيها والحمد لله

رد: خايفة اوى من السواقة
 

ايه يا عم هو سبق اعلانات قبل متتوقف ولا ايه
الحق 90 مشاركة كلهم اعلانات نفس الرسالة فى وقت واحد :12F099~16:وكزا مرة فى نفس الموضوع:w6w20050411224530 6e