نويت أشترى الداستر
 

السلام عليكم أعضاء المنتدى الكرام ....انا معايا لوجان 2011 ...ليها معايا 5 سنوات ...بصراحة ممتازة ومن كتر ماحبيت الرينو قررت اجيب الداستر 2×4 ...لاخاب من إستشار ...حضراتكم تنصحونى بايه ..؟ انا مش بسافر كتير ولا باطلع فى اماكن صحراوية يعنى حامشى بيها جوة المدينة يمكن علشان كده فضلت ال2×4

رد: نويت أشترى الداستر
 

هو الرد متأخر بس انا ما دخلت علي الموقع من زمان
انت ممكن تكون اشتريتها دلوقت
انا معايا داستر 2015 دفع رباعي الشهر ده تبقي سنة بالظبط معايا العربية
اللي اعرفه من كلام جروب داستر ما لها و ما عليها علي الفيسبوك ان الدفع الرباعي العفشة انعم من 4×2
بس العربية ممتازة وعائلية صالون واسع وشنطة واسعة
سواقتها مريحة وفي السفر حلوة جدا
في المطبات طبعا العربية عالية عن الارض مناسبة جدا للطرق الزفت بتاعتنا
كتير بيقول ان العربية دي لو اوتوماتيك هتكتسح انا عن نفسي مستمتع بيها جدا مانيوال و ارفض الاوتوماتيك