|
سؤال فى الجمارك
صباح الفل يا شباب... عاملين ايه؟؟ يا رب تكونوا تمام
انا نازل برى قريبا ان شاء الله من الكويت لمصر زى ما انتو عارفين و انا شاكك فى مساعدين العربية ,,, اداءهم مش عاجبنى و خايف مع طرق مصر الجميلة يضربوا فا انا ناوى اجيب طقم مساعدين و اخليهم معايا و لو لا قدر الله حصل حاجة ابقى اركبهم فى العربية لما اوصل مصر .. السؤال بقى ... هل هيطالبونى بدفع جمارك عليهم و انا نازل ولا ايه النظام؟؟ يا ريت لو حد يقدر يفيدنا. و الف شكر لحضراتكم |
رد: سؤال فى الجمارك
يا باشا توصل بالسلامه وتنور مصر ..
ولازم نشوفك ان شاء الله ... ناوي على امتى ؟؟ اما بخصوص الجمارك على المساعدين ... فبصراحه السؤال صعب شويه ... مفيش خيارات ptmnlo123per1127 |
رد: سؤال فى الجمارك
اقتباس:
و انا اللى نفسى اشوفكم والله و بإذن الله هكون فى مصر على يوم 20 - 6 إن شاء الله و هسهلهالك يا باشا و اديك اختيارات ,, انت تأمر الاختيار الاول .... فيه جمارك على المساعدين الاختيار الثانى ... مفيش جمارك على المساعدين اظن بقى مفيش اسهل من كدة :) و صباحك زى الفل يا باشا |
رد: سؤال فى الجمارك
هههههه
اصل انا كنت بفكر في خيار تالت ... لكن معرفش ينفع و لا لأ .. وحضرتك داخل .. تثبت المساعدين في الجمرك ... وبالتالي تخرج بيهم تاني من غير ما تدفع .. كنا بنعملها زمان و احنا داخلين بورسعيد (ايام لما كانت بورسعيد ) ..يبقى معانا حاجه قيمه زي كاميرا ياشيكا حديثه مثلا ... نثبتها و احنا داخلين .. وبالتالي و احنا خارجين ميخدوش عليها جمرك ... بس طبعا الوضع هنا مختلف .. لأن في بورسعيد الجمرك كان على اللي خارج .. لكن في حاله القادمون من الخارج .. الجمرك على اللي داخل ... مجرد خواطر ... لا تفتكرني بفتي و لا حاجه ...ptmnlo123per1146 معلش صدعتك ... ptmnlo123per123 صباحك فل الفل |
رد: سؤال فى الجمارك
شوف يا أخ بمبك ! أنا نزلت 4 مساعدين و كاليبر و 4 تيل فرامل و ماستر فرامل ! و لم يأخذوا منى مليم !
هذا فى مطار القاهره و موش عارف البرى نظامه ايه ! و مره تانيه كنت شايل لآخى شنطه 25 كيلو بها برده مساعدين و عفشة نيسان ! وسألونى ايه اللى فى الشنطه قلت لهم بصراحه ! قال لى بكام قلت له ب 1000 ريال و همه كانوا ب 3000 ريال ! فعمل نفسه مفتح و سألنى نوعها ايه عربيتك فقلت له بكل ثقه ! فسأل واحد جنبه و قال عدى المره دى ياباشا ! و مره تانيه نزلت لواحد صاحبى كاسيت سونى بالسماعات و الصب و فى أكياس بيدى و لم يسألنى أحد ما هذا ! المهم ! ماتخافش ! اعمل زيى دايما أقول لآسرتى ( حاجتى معايا و فلوسى فى جيبى وراكب عربيتى ! يبقى ح نخاف من ايه ؟ ) و طبعآ كنت بأقلد محمود المليجى لما يقول ( مادام قلبك أبيض و دعاء الوالدين ماتخافش - - من حاجه أبدآ ) طبعآ كان بيقول كده و هوه رايح يعمل جريمه ! ptmnlo123per1106 Dr. Bolbolan ptmnlo123per154 |
| الساعة الآن 08:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017