مصر موتورز مجتمع السيارات - لحماية سيارتك من السرقه

ماتيجوا نتكلم عن ازاي تحمي عربيتك من السرقة ‏‎‏ اكيد ده موضوع بيهم كل الناس خصوصاً ان مفيش امان اوي
وممكن عربيتك تتسرق في اي وقت تعالوا الاول نعرف ازاي تأمنها وهي مركونة وواقفة ..
1- ماتسيبش المفتاح في العربية وانت مش راكب فيها حتي لو كنت بتشتري حاجة من محل بسرعة او واقف جنبها
( 50 % من السرقات بتبقي بالطريقة دي ) متقولش دة انا واقف جنبها اهو محدش هيعرف يسرقها لا ياخويا بيعرف دى شغلتة
2 - ماتسيبش مفتاح عربيتك لحارس الجراج أو فى الشارع ال Park بتاع الاراضى المهدودة
3 - لما تيجي تقفل العربية اتأكد انك قفلت كل الابواب
(ممكن يكون في مشكلة في السنتر المهم تتأكد من الابواب بنفسك)
4 - ماتسيبش اي حاجة ملفتة تجذب نظر الحرامى زى لاب توب او فون غالي جوه العربية او فلوس او ساعة غالية او نضارة غالية علشان دي حاجات مغرية للحرامي انه يفتح عربيتك
5-ماتسيبش الرخصة ولا مفتاح احتياطي في العربية علشان مايبقاش سهل سرقتها .
6-كل مايبقي في حاجات تمنع السرقة وتشغل الحرامي مش هايفكر في وجع دماغه ولا يسرق عربيتك زي انك تحط قفل طارة الدركسيون او كلبش عجل ..
هما اة بيعرفوا يفكوا كل دة بس هو مش عاوز يستهلك وقت جامد و عاوز ينجز ب اسرع ما يمكن فا مش هتلزمة عربيتك و يشوف واحدة اسهل
7- ممكن تعمل مفتاح فصل الكهربا ويكون مخفي عن الانظار كده في المستخبي يعني ‏‎grin‎‏ رمز تعبيري انت اللي عارف الموضوع بس .
8-لو هاتسيب العربية مدة كبيرة في مكان مش واثق فيه اوي ممكن تعرف مكان (كتاوت)طرمبة البنزين او فيوز الرشاشات وتفصلهم .
9 - حط جهاز انذار في العربية ولمبة البيان بتاعته تكون واضحة من الازاز
10- دلوقتي ظهرت اجهزة تتبع للعربية تتوصل بالفون بتاعك وتبعتلك رسالة تحذيرية لو حد حاول يفتح عربيتك
وتروح انت مبطل الماتور برسالة من الفون بس ويروح باعتلك خريطة
بمكان العربية وفي الجهاز خاصية اسمها (SOS) ودي عبارة عن زرار قدام
صاحب العربية يدوس عليه لما يحصل هجوم علي عربيته من عصابة مثلا او قطاع طرق فا الجهاز ده يتصرف ويبعت رسايل ل 4 اشخاص هو يبقي مسجل ارقامهم علي الجهاز اصحابه او قرايبه يجوا ينقذوه .
11 - حاجة ناس كتير بتقع فيها للأسف
انك تبقى ماشى تلاقى واحد زنق عليك و راح جاى شاتمك شتيمة مستفزة دة بيبقى حرامى ��
هو لما يشتمك انت مش هتسكت حاجة من الاثنين تردلة الشتيمة و انت جوة عربيتك او الدم هيجرى فى عروقك هتروح كاسر علية و تنزل و انت متعصب و تنسى عربيتك دايرة
يروح الحرامى جى ناطط فيها و جايب اخر الدواسة و طالع ��
و انت لسة هتنزل تتخانق
أنا لو نازل أتخانق بسحب المفتاح و ربنا ‏
و ربنا يكفى الجميع شر سرقة العربيات