تجربتي مع تركيب الانذار سباي وفرش للسياره مع سبير كار(الناس دي محترمه جدا)
كنت عايز اركب انذار يا جماعه في عربيتي (كيا ريو) وفكرت في انواع انذار كتير لحد ما الحمد لله رسيت علي spy 2way
وتوكلت علي الله وكنت عايز اركبه عند سبير كار من كلام الناس عليه وسمعته الكويسه اللي سمعتها من كذا شخص ودخلت علي الجروب بتاعهم ع الفيسبوك وكتبت اني عايز اركب الانذار ولقيت استاذ محمد شبل طلب يعرف رقمي والصراحه الراجل مقصرش معايا خالص واتصل بيا في وقتها ولما عرف اني من المنتدي قالي هنعملك خصم مخصوص عشان انته من مصر موتورز والراجل الصراحه طلع عند كلمته وقابلته هناك والصراحه الناس هناك مقابلتهم في منتهي الاحترام حتي استاذ محمد مدير الشركه قابلني والراجل قابلني بترحاب كبير والناس فضلت متابعه معايا لحد مشيت واتاكدو اني راضي عن الخدمه تماما سواء استاذ محمد شبل او استاذ سيد من المبيعات وركبت انذار ووحدات رفع وعجبني فرش هناك والراجل عملي خصم محترم والناس ركبته وشهاده حق انا سعيد باختياري التعامل معاهم ومرتاح نفسيا الحمد لله للحاجات اللي جبتها منهم هناك الحاجه جودتها محترمه وادوني كارت اقدر بيه لو ركبت اي حاجه من اي فرع اخد خصم فوق الخصم الموجود شكرا سبير كار وكل القائمين عليه |
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
فعلا واضح انهم ناس محترمة و معاملتهم و ادبهم مميز ... للاسف انا ف اسكندرية و كان نفسى اعمل عندهم كذا حاجة ف العربية ... ياريت يبقى ليهم فرع ف اسكندرية ... و بالتوفيق و الف مبروك لحضرتك
|
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
اقتباس:
|
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
كلامك مظبوط فعلا ناس محترمه جدا وعندهم ضمير والواحد بيتطمن علي عربيته وهيه عندهم
|
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
شكرا جزيلا لحضرتك ويلرب نكون عند حسن ظنك دائما وكل عملاء سيبر كار
|
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
الف مبروك على الجهاز وربنا يباركلك فيه ويحميلك العربيه من كل سوء يارب العالمين
بعد اذنك كنت عاوز اعرف بعض الحاجات اللي لسه غامضه بالنسبالي في الجهاز ده 1-عرفت ان مش اي حد يقدر يركب الريلاي بتاع فصل الكهرباء لو العربيه اتسرقت بعد الشر فهل المركز ده قدر يركبلك الخاصيه المهمه جدا دي ولا برده خفت انك تركبها علشان موضوع التسخين والضفيره؟ 2-بخصوص الخاصيه التانيه اللي جايه معاه وهي تشغيل المكيف عن بعد هل من السهل تشغيلها ولا برده حكايه عويصه؟ 3-الخاصيه الثالثه وهي الحساس اللي بيكتشف اي شخص واقف جنب العربيه اكتر من 30 ثانيه هل بيشتغل هذا الحساس بسهوله ولا شغلانه هو كمان؟ 4-سؤال في الخباثه كده من غير ما حد ياخد باله - السعر كام بالتركيب بعد الخصم وياترى المركز ده افضل ولا ادريان ؟ من حيث الحرفيه في التركيب اولا وثانيا وعاشرا لان عربيتي زيرو وماكملتش سنه وخايف من موضوع الضفيرة دي بصراحه شديده وممكن قلبي يتقطع لو الصنايعي فك مسمار ومارجعوش مكانه وشكرا مقدما لكل من سيفيدني بالرد |
رد: تجربتي مع تركيب الانذار سباي وفرش للسياره مع سبير كار(الناس دي محترمه جدا)
متابع معاك جدا
|
الساعة الآن 07:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017