شراء سيارة مستعملة عليها حظر بيع بسبب اقساط البنك
 

السلام عليكم

محتاج مساعتكم ضرورى, انا عايز اعرف اجراءات شراء سيارة مستعملة , انا هدفع فلوس لصاحبها عشان يخلص كل الاقساط المتبقية عليه فى البنك وياخد مخالصة.

1- اول حاجة ازاى اضمن حقى قبل ما ادفع له فلوس, هل يكفى ايصال امانة بالمبلغ ؟
2- انا هستلم العربية فى نفس اليوم هل هقدر اتحرك بيها ومعايا رخصة العربية بس ؟
3- هل فى نفس اليوم دا هنقدر نعمل حاجة فى الشهر العقارى علما بأن التوكيل أو عقد البيع المسجل مش هينفع لغاية ما يطلع مخالصة من البنك؟
4- ازاى اضمن ان صاحب العربية ميطلبش فلوس اكتر بعد ما المخالصة تطلع, نتيجة ارتفاع اسعار العربيات بصورة يومية :fun_36_1_7[1]:
5- ايه الخطوات اللى فاضل اعملها بعد استلام مخالصة البنك؟

شكرا ليكم

رد: شراء سيارة مستعملة عليها حظر بيع بسبب اقساط البنك
 

مش هكدب عليك الموضوع مقلق جدا والاصول فيه ان صاحب العربية يروح يخلص ورقها من البنك ويبقى معاه المخالصة وجواب المرور وبعدين ننتكلم لكن كدة الموضوع اصعب
لو انت ضامن صاحبها شوية يبقى المفروض بتعمل الاتى
اولا عقد بيع ابتدائى وفيه محضر استلام وبتحدد فيه سعر العربية الاجمالى وكل حاجة وبتكتب المدفوع منه وطبعا متديلوش كل المبلغ 80% مثلا وبتستلم منه العربية على كدة ويبقى فيه شرط جزائى على اى من الطرفين لو العقد متمش بنفس بنودة او واحد رجع فى كلامة فى حاجة

انت بتبقى دافع فلوس وواخد قصادها العربية وعقد البيع الابتدائى لكن تدفع الفلوس وتاخد ايصال امانة بس ده كده الناس تقول عليك راجل طيب حبتين زيادة عن الازم محدش يعمل كدة

رد: شراء سيارة مستعملة عليها حظر بيع بسبب اقساط البنك
 

شكرا استاذ وائل

طيب بالنسبة للتوكيل , هل هو لازم يعمل لى توكيل عشان اقدر تحرك بالعربية براحتى من غير ما يحصل مشاكل لو قابلنى اى لجنة؟
والتوكيل دا هل هينفع يحدد فيه بيانات العربية من رقم شاسية وموتور ولا هيتم رفض التوكيل دا نتيجة حظر البيع اللى على العربية؟