يا جماعة ضروري .. انا في التوكيل و بيقولي طقم طنابير و تيل ؟؟؟
 

انا في صيانة ال 70000 لقيتهم بيقولولي هاتغير طقم طنابير و تيل بــ 1050 جنيه .. ده طبعا غير فلوس الصيانة اصلا .. ايه ده هي الطنابير بتبوظ امتى و عمرها الافتراضي ايه مع اني بغير التيل في التوكيل على طول و بانتظام ؟؟ اعمل ايه ؟؟؟؟!!!!!!!!!!! -------------------------------------- =======================

رد: يا جماعة ضروري .. انا في التوكيل و بيقولي طقم طنابير و تيل ؟؟؟
 

انت شايف ايه؟ لو شايف ان الطنابير محتاجة تتغير انصحك انك متغيرهاش في التوكيل حاول تشوف سعرها كام برة التوكيل الاول

المبلغ اللي بتقول علية دا تمن الطنابير بس ولا بالمصنعية لان ساعات مصنعياتهم بتبقي غالية جدا وبتمن الحاجة اللي حتتغير

يعني يجي يقولك مثلا الطنابير ب 500ج و500 مصنعية ومش عارف ضريبة كام يبقي المبلغ 1050ج فممكن تشتري الطنابير من التوكيل وتركبهم بره

يعني الاول اسال علي تمن الطنابير بره التوكيل ان لاقيت تمنهم معقول والطنابير اللي عندك فعلا محتاجة تغير يبقي لازم تغيرهم

لو لاقيت الطنابير سعرها بره التوكيل مايفرقش كتير عن التوكيل هاتهم من التوكيل وبرضة ركبهم بره لان اكيد المصنعية في التوكيل دبح

رد: يا جماعة ضروري .. انا في التوكيل و بيقولي طقم طنابير و تيل ؟؟؟
 

تغيير الطنابير مش محتاج صنعة على فكرة دا غير إنهم ممكن مايكونوش محتاجين تغيير أصلا.
أرفض التغيير وكمل الصيانة وخد العربية بعد ماتطلع من عند التوكيل وإطلع على أقبرب عفشجي وإنتا رايحله في السكة إشتري طقم تيل أصلي وخليه يفك وشوف الحال إيه لو الطنابير فيها ريجة ومحززة خدهم عند المخرطة يمسحهملك وتكون مخرطة نضيييييييفة وتبقى واقف على إيده وهوا شغال وتأكد على مقاس الطنابير زي بعض بالشعرة وتخليه يوريهالك بالقدمة بعد مايمسحهم ويصنفرهم على المكنة.
المخرطة مش هتاخد 50 جنيه والعفشجي زييهم أو أكتر بشوية وعليهم تمن التيل وكله مش هيعدي إنشاء الله الـ 400 جنيه.
أنا الي أعرفه عن الطنابير إنها بتشتغل معاك أكتر من 10 سنين وعمري ما إحتجت أعملها أي حاجة أكتر من صنفرة ومسح عند الخرااااط.:Wkiss5::Wkiss5 :

رد: يا جماعة ضروري .. انا في التوكيل و بيقولي طقم طنابير و تيل ؟؟؟
 

بص يا باشا فك الكاوتش وشوف الطنابير عاوزه تتغير ولا لا وده شئ سهل جدا لو لقيتها مش ناعمه شويه يعنى فيها خدوش او متاكله حسب التاكل يعنى لو بسيط يبقى لسه عاوزه تقعد شويه لكن لو كبير غيرها وبسرعه علشان غلط تمشى بيها كده
:Wkiss5::Wkiss5::Wkiss5:

رد: يا جماعة ضروري .. انا في التوكيل و بيقولي طقم طنابير و تيل ؟؟؟