|
تجربتى مع جريت وول بيرى بعد اسبرانزا a113
انا كان معايا اسبرانزا 113 كانت كويسة لحد ما بس فيها مشاكل كتير فى الكهرباء والعفشة سيئة جداااااااااااااا وخفيفة فى السفر وغير ثابتة عند السرعات وعزم الموتور بيقل حدا مع التكييف والسحب بيقل جدا وكل اما اصلح حاجة حاجة تانية تبوظ وقطع الغيار غير معمرة بالمرة بتسخن جدا فى الحر والصاج بتاعها خفيف فراملها ورتنى الويل لحلها
مميزاتها قطع الغيار متوفرة جدا بس مش رخيصة (النضيف منها) سحبها حلو واسعة من جوة أما بعد ما بعتها وجبت جريت وول بيرى بصراحة فرق كبير فى السواقة والثبات حتى فى الملفات باخدها على سرعة عالية وثابتة تقيلة على الارض سحبها رائع موفرة جدا فى البنزين عن اسبرانزا حاسس انى سايق عربية بجد مش ورق لدرجة انى كنت مسافر وسايق على 100كم بالاسبرانزا مراتى تقولى هدى شوية حاسة ان العربية هتطير وبالبيرى سايق على 120 130 وتقول سرع شوية انت ماشى بطئ يعنى بجيب 120 وتحس انك سايق على 80 من روعة ثباتها بس الله اعلم بقى بقطع الغيار بس علشان تركب عربية كويسة لازم ده يكون له تمن والا عايز توفر اركب 128 او هيونداى اللى انا مش بأطيقها رغم نجاحها الكبير فى مصر عشان مش بنبص الا على رخص قطع الغيار |
تجربتى مع جريت وول بيرى بعد اسبرانزا a113
انا كان معايا اسبرانزا 113 كانت كويسة لحد ما بس فيها مشاكل كتير فى الكهرباء والعفشة سيئة جداااااااااااااا وخفيفة فى السفر وغير ثابتة عند السرعات وعزم الموتور بيقل حدا مع التكييف والسحب بيقل جدا وكل اما اصلح حاجة حاجة تانية تبوظ وقطع الغيار غير معمرة بالمرة بتسخن جدا فى الحر والصاج بتاعها خفيف فراملها ورتنى الويل لحلها
مميزاتها قطع الغيار متوفرة جدا بس مش رخيصة (النضيف منها) سحبها حلو واسعة من جوة أما بعد ما بعتها وجبت جريت وول بيرى بصراحة فرق كبير فى السواقة والثبات حتى فى الملفات باخدها على سرعة عالية وثابتة تقيلة على الارض سحبها رائع موفرة جدا فى البنزين عن اسبرانزا حاسس انى سايق عربية بجد مش ورق لدرجة انى كنت مسافر وسايق على 100كم بالاسبرانزا مراتى تقولى هدى شوية حاسة ان العربية هتطير وبالبيرى سايق على 120 130 وتقول سرع شوية انت ماشى بطئ يعنى بجيب 120 وتحس انك سايق على 80 من روعة ثباتها بس الله اعلم بقى بقطع الغيار بس علشان تركب عربية كويسة لازم ده يكون له تمن والا عايز توفر اركب 128 او هيونداى اللى انا مش بأطيقها رغم نجاحها الكبير فى مصر عشان مش بنبص الا على رخص قطع الغيار |
رد: تجربتى مع جريت وول بيرى بعد اسبرانزا a113
التقرير ده هاينفع اللى ما يعرفش العربيه واللى انا واحد منهم
http://www.masrmotors.com/vb/showthread.php?t=35500 |
رد: تجربتى مع جريت وول بيرى بعد اسبرانزا a113
ممكن حضرتك توضحلنا انت كنت شارى ال 113 دى زيرو و الا مستعمل
اكيد الى كانت معاك دى كنبه مش عربيه يعنى كانت شغاله تاكسى او كانت عامله حادثه و مشدوده او حضرتك كنت مهمل فى صيانتها لان فى عيوب مينفعش تقول عليها فى ال113 زى الثبات لان اى حد ساق العربيه دى يعرف انها ثابته جدا فى السفر ثانياً العربيه دى موتورها سحبه محترم جداً و التكييف لا يؤثر عليه و لو كانت الى معاك غير كده فده اكيد نتيجه اعطال او مشاكل فيها زى عيوب الكهربا الى انت بتقول انك كنت بتشتكى منها ثالثاً العربيه لسه جديده فى مصر يعنى لسه الصنايعيه محفظوهاش زى هيونداى مثلا و ده تقريبا حال كل الصينى فلازم تعمل صيانه فى التوكيل او حد يكون فاهم فيها و لو معملتش كده فإنتظر ما لا يرضيك من عك الاسطى بليه الى ما هيصدق انها وقعت تحت ايده علشان يتعلم فيها و هيقعد يعك و يفك و يرمى الحاجات الزياده الى معرفش يركبها او الى شايف ان ملهاش لزمه و بكده كل سنه و انت طيب عموما مبروك على الجريت وول و فى انتظارتقريرك عنها , و ان شاء الله تكون تجربه افضل من اسبيرانزا و بالتوفيق ان شاء الله |
رد: تجربتى مع جريت وول بيرى بعد اسبرانزا a113
مع احترامي ليك
موضوع الثبات في السرعات العالية والسحب مع التكييف غير حقيقي لاني مجربها فعلا الاسبرانزا 113 ثابتة والتكييف لا يؤثر علي السحب واتفق مع كلام استاذ احمد تماما |
| الساعة الآن 02:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017