مصر موتورز مجتمع السيارات - سؤال يخص الـ 128 فيات

مساء الخير ياجماعه
انا جبت عربية 28 زستافا طبعا العربيه جايه ميته لانها موديل 80
كنت اما بمشى بيها بحس انها بترمى شمال ولو حد غيرى ساقها قدامى بحس انها معوجه من قدام على الشمال وخصوصا اما حد يجى يحود بيها يمين او شمال بحس ان العربية معوجة يمين وشمال روحت للسمكرى قالى ده شاسيه او زوايه والاتنين هيتظبطو وهى لسه عند السمكرى كنت عاوز اعرف ممكن ترجع زى الاول فعلا ولا لا

تانى حاجه انا حطيت 3 صور لتابلوه وفوانيس انا عاوز اعرف اجيبها منين او اعملها ازاى تانى حاجه الكراسى تعمل كام كامله بس شكلها يكون كويس عشان عاوزها لون التابلوه وانا برشح لون نبيتى لل 28 عاوز اعرف هياكل معاها ولا لا والكراسى القديم ينفع تتظبط عند السروجى ولا لا ويعدل فيها كشكل بردو ولا لا والاكسدامات والكساحات اللى فى الجنب منين وشكرا جدا لوقتكم واى اقتراح اعمله فيها
للعلم انها 1100 ( 4 غيار ) لو هغير ماتور يتكلف كام بردو ومنين

شكرا