|
حاجة مش مفهومة في ألوان الشارك 2015
لما روحت معرض القرش لقيت شارك كوحلي وألوان تانية ولما روحت معرض أبو حتة لقيت 7 ألوان بس
إسود فيراني سيلفر شامبين أبيض إسود أحمر سألته على الكوحلي قالي لا الكوحلي منها كان بينزل في 2013 بس قولتله أنا لسة شايفها 2015 عن معرض تاني كوحلي قالي يبقى أكيد من غير ضمان وطلعلي الكتالوج وفعلا مالقيتش غير الألوان اللي هو قالي عليها طيب إزاي؟؟؟؟! أنا بس عايز أفهم أنا مثلا لو كنت جبت من القرش كان هيدهالي من غير ضمان؟؟؟ طيب وهو جايب الألوان دي منين؟؟؟؟؟ |
رد: حاجة مش مفهومة في ألوان الشارك 2015
المتسوبيشى من ايام البومة وسوقها مفتوح على البحرى فيه بينزل خليجى وفيه بينزل من الهند وليها ولا عشر مصانع حول العالم ومحدش فاهملها حاجة صدقنى وياما قولت كتير ومحدش بيسمع ولا بيصدق وطبعا بعد التوكيل ما خرج من مصرية وبقى مع دايموند كمان تفرق دمه بين القبائل واى معرض ممكن يجيب من اى حته ويبيع بضمان غير ضمان التوكيل او حتى من غير ضمان خالص
|
رد: حاجة مش مفهومة في ألوان الشارك 2015
صح عندك حق أنا بردو حسيت كده وكنت تايه بين المعارض والعربيات بتاعة كل معرض مختلفة عن التاني فكنت فاكر إن أنا اللي لفسة مش فاهم بس فعلا الموضوع كده بقى عك أوي
يعني الأول كنت بقول طالما الإيد المصرية لعبت في الحاجة يبقى عليه العوض ده كان بالنسبة للميكانيكية لكن للأسف حتى بعد ما جبت جديد بردو هيفضل التوكيل وغيره يلعبوا بالواحد |
رد: حاجة مش مفهومة في ألوان الشارك 2015
مشكلة الخليجى عدم وجود ضمان مع السيارة و مواصفاته كتيرة ومش مفهومة واسعار مختلفة وصعب تحدد سعر فئة معينة ده غير اللعب اللى بيحصل من تغيير المواصفات فى مصر من جنوط وكاسيت وتركيب سبويلر وسنسور ....الخ
خليك فى الوكيل اضمن واحسن تحياتى |
رد: حاجة مش مفهومة في ألوان الشارك 2015
انا اشتريت السيارة من الرواس ( وكيل ميتسوبيشي سابقا ) وهى خليحي بضمان الرواس وده الافضل بعد الوكيل الحالي
|
| الساعة الآن 07:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017