المشاركة الأصلية كتبت بواسطة aaffii (المشاركة 469136)

السلام عليكم جميعا:
يوم الجمعة كلمت الاستاذ محمد في التلفون وقلتله ان انا اخذت نمرته من المنتدى والصراحة معماله فوق الوصف وفعلا رحت المحل وكنت عايز اغير زجاج عربيتي الجولييت الامامي وهو اول ما شاف العربية عرفني لاني كنت قايله على العربية في التلفون راجل محترم جدا وصنايعيه شاطره في ربع ساعة كنت مغير الزجاج وماشي مع العلم اني لفيت وسالت على الزجاج في كذا حته وآخر سعر وصلتله كان 310 جنيه( الزجاج الاصلي التربليكس ) غير التركيب وانا اخدته من عند الاستاذ محمد ب 250 جنيه بالتركيب .
انا بشكره من خلال المنتدى وبنقل تجربتي للاعضاء مع راجل محترم واسعار ممتازه
اسف على الاطاله وشكرا .