مصر موتورز مجتمع السيارات
صفحة 1 من 4 1 234
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   برودوا PERODUA (https://www.masrmotors.com/vb/forumdisplay.php?f=41)
-   -   اللي بيفكر يظبط العربية يجي يشوف حالي (https://www.masrmotors.com/vb/showthread.php?t=26723)

Ashraf.zowail 25-05-2010 11:11 AM
اللي بيفكر يظبط العربية يجي يشوف حالي
 
السلام عليكم
أنا معايا كانشيل موديل 1998 بتاعه والدي إدهالي ربنا يخليه ليا بعد ما صعبت عليه من بهدلتي في المواصلات و طلوعه على المعاش إستعملتها حوالي 5 سنين و بعد ما قررت أجيب النيو أكسنت إن شاء الله قررت إني أرجع العربية لوالدي بس طبعا بعد ما أرجعها على الأقل للحالة اللي خدتها عليها ptmnlo123per122 من تظبيط موتور و عفشة و فرش و نظافه المهم عشان ما طولش قول طول إبتديت بالموتور و اللي كان الصبح بيدور بصعوبة و بالذهاب للميكانيكي اللي بتعامل معاه قالي الكربيراتير محتاج تغيير طبعا مفيش غير الوكالة و بعد جذب و شد و تلات أربع مشاوير رايح جاي جبت واحد إستيراد ب 300 جنيه المهم ركبته و العربيه بقت بتدور بسرعه وفي خلال رحلة التجديد و التعديل سير الكاتينة قطع و طبعا العربية جابت صبابات و هم ما يتلم المهم جبت اللوازم الخاصة بالحكاية من طقم جوانات و شنابر و خراطة الصبابات و الموتور و تغيير سير الكاتينة و الفلاتر المهم الحكاية دخلت معايا في قصة كلفتني 1500 جنيه ptmnlo123per144 بعد كده قولت خلاص العربية بقت تمام أظبط الفرش و كله يبقى زي العسل و شكرا يا بابا .... الكاوتش قالي مش هتغيرني طب و الله لنا مفرقع و بالاتنين .
قررت أشتري على الأقل فردتين دوخت السبع دوخات على مقاس العجل ال 12 لغاية ما لقيت فرده و حيده عند واحد في الهرم ب 200 جنيه أندونيسي جي تي تخيلوا عشان هيه شاحه اليومين دول (ده كلام الراجل ) حطيتها أستبن لغاية أما أدور على أختها . بعد طول صبر و شقاء لقيت أختها الكوري ب 175 بعد كده بمده سمعت صوط طقطقة في الموتور وبعد بحث الميكانيكي قالي دي بلية العجل المهم غيرتها بحوالي 200 جنيه و بعد كده الصوت راح شوية و بعدين رجع تاني :cry2W9: و لقيت في تسريب في زيت الموتور و دخنه بيضا قولت مابيدهاش أغير الميكانيكي المهم الكلام ده كان يوم الجمعه اللي فات و الميكانيكي الجديد طلب مني الأتي :
سير كاتينة
طقم صبابات
طقم جوانات
طقم كهرباء
قاعده موتور أمامية (إتكسرت و كان ده سبب الطقطة بالإضافة للكبالن )
فلتر زيت و هواء و بنزين .
صرفت لغاية دلوقتي 1200 جنيه ptmnlo123per191

ولا زال نزيف الجنيهات و الوقت مستمر لغاية دلوقتي و بروح الشغل بالمواصلات ptmnlo123per111

و إلى اللقاء مع رحله طرنبة البنزين و الردياتيرو متابعه صيانه العربية :waving:

احمد بدر1978 25-05-2010 11:16 AM
رد: اللي بيفكر يظبط العربية يجي يشوف حالي
 
ربنا معاك انا لسة واخد علقة من اسبوع ربنا يكون فى عونك

MEMOO_1ST 25-05-2010 11:28 AM
رد: اللي بيفكر يظبط العربية يجي يشوف حالي
 
ربنا يكون في عونك هيا فعلاً العربيات لما بتفتح مبتقفلش.

Ashraf.zowail 25-05-2010 11:37 AM
رد: اللي بيفكر يظبط العربية يجي يشوف حالي
 
اقتباس:
المشاركة الأصلية كتبت بواسطة MEMOO_1ST (المشاركة 187921)
ربنا يكون في عونك هيا فعلاً العربيات لما بتفتح مبتقفلش.

لللأسف كلامك حقيقي و ياريت قطع الغيار متوفرة دي حاجة تحرق الدم ptmnlo123per195

abo salem8882 25-05-2010 11:46 AM
رد: اللي بيفكر يظبط العربية يجي يشوف حالي
 
ربنا يكون في العون يارب
بس معلش ما تزعلشي مني ..
انت السبب لو انت سايقها 5 سنين و عملت كده دلوقتي , يبقى سواقتك غلط .. عادي كلنا بنغلط بس اهم حاجة ::
اعرف ايه الغلط ف سواقتك و غيره قبل ما تجيب الجديد عشان تلحق تعود نفسك
و معلش عالكلام التقيل ده
اااااااااسف

Ashraf.zowail 25-05-2010 12:08 PM
رد: اللي بيفكر يظبط العربية يجي يشوف حالي
 
اقتباس:
المشاركة الأصلية كتبت بواسطة abo salem8882 (المشاركة 187925)
ربنا يكون في العون يارب
بس معلش ما تزعلشي مني ..
انت السبب لو انت سايقها 5 سنين و عملت كده دلوقتي , يبقى سواقتك غلط .. عادي كلنا بنغلط بس اهم حاجة ::
اعرف ايه الغلط ف سواقتك و غيره قبل ما تجيب الجديد عشان تلحق تعود نفسك
و معلش عالكلام التقيل ده
اااااااااسف
يا باشا أهلا بيك أنا الحمد لله بسوق من 10 سنين و سواقتي معتدلة المشكله ان الميكانيكي الاولاني الله يسامحه ماكنش عنده ضمير و كمان انا كنت واخد العربية من والدي و معرفش أنه مغيرش سير الكاتينة و طبعا سير الكاتينة لما بيتقطع بتحصل بلاوي في الموتور و ماكنش ساعتها أعرف ميكانيكي كويس و للأسف مش كل الميكانيكيه بيفهموا في العربية ال3 سلندر و الكانشيل كمان مقرفة عشان حوضها صغير و بتقرف الميكانيكي اللي بيشتغل فيها و متشكرين على مشاركتك الجميله

remomeme 25-05-2010 12:23 PM
رد: اللي بيفكر يظبط العربية يجي يشوف حالي
 
اقتباس:
المشاركة الأصلية كتبت بواسطة abo salem8882 (المشاركة 187925)
ربنا يكون في العون يارب
بس معلش ما تزعلشي مني ..
انت السبب لو انت سايقها 5 سنين و عملت كده دلوقتي , يبقى سواقتك غلط .. عادي كلنا بنغلط بس اهم حاجة ::
اعرف ايه الغلط ف سواقتك و غيره قبل ما تجيب الجديد عشان تلحق تعود نفسك
و معلش عالكلام التقيل ده
اااااااااسف

معليش ممكن اعرف ايه الغلط اللي ممكن يكون عمله في العربيه عشان يحصل له كل ده؟؟؟؟
ده اعتقد عيب ميكانيكي انه لما بيروح له بمشكله ما بعملش شيك علي كل حاجه في العربيه عشان يطمئن عليها كأنه بعمل ليها صيانه مع حل المشكله الاساسية اللي جاي بيها.

يا ريت توضح الاخطاء ممكن تكون زي ايه ، و هيه فعلا اخطاء في السواقة ولا اهمال في الصيانه الدوريه للعربية؟

ولك جزيل الشكر ، و ما تقلقش لو انت عندك تعليق تقيل شويه و افتكر انه "رحم الله امرء اهداني عيوبي "ptmnlo123per122


الساعة الآن 11:57 PM.
صفحة 1 من 4 1 234
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017