السلام عليكم ورحمة الله وبركاته

تجربتى مع تعديل زجاج الابواب والغاء الهويات وتركيب زجاج كامل قطعة واحدة

نوع وموديل السياره نصر 128 موديل 1987

الورشة التى تم التعديل فيها: الطيب لزجاج السيارة سنتريس مركز اشمون منوفية

سبب التعديل

1-فكرة العربية اللى ليها هويات"شوراعة" بحس أنى راكب عربية مسكوفتش
2- الجو حر جدااااااااا والهواية لما بفتحها مش بشوف مريات العربية الأصلية كويس
3- كنت عاوز اركب جوز مريات شاهين وانا لسه شادد العربية فصعب علية أخرملها فى القايم بتاع الباب فقولت اركب زجاج كامل وقايم مخصص لتركيب المرياة فيه

الاسعار
1- عدد 2 زجاج كامل ب 90ج
2- عدد 2 قايم للمرايات 45ج
3- عدد 2 مراية شاهين تركى ب 110ج
4- 2 صوفة بدل الجلد اللى بيدخل فى الشباك
5-المصنعية 20ج

لكن العيب الوحيد اللى فى الموضوع المريات الشاهين حجمها كبير تجس انه مش متناسق مع شكل العربية بصفه عامه اووى لكن رؤيتها بتبين لك الشارع كله من وراك بالكامل

كان نفسى اجيب اما مرايات نوفا 128 الاصلية او مريات فيات اونو كان هيبقى شكلهم احلى واظرف ويتم التحكم فيهم من داخل السيارة زى مرايات الشاهين مع الفارق فى الحجم لصالح مرايات النوفا او على الاقل مرايات الاونو